ಶ್ರೀ ಮತ್ತಿ ತಾಳೇಶ್ವರ ದೇವಸ್ಥಾನ, ಕಲ್ಲುವೀರನಹಳ್ಳಿ, ಮಂಡ್ಯ - 571430, ಮಂಡ್ಯ .
Sri Matti Thaleshwara Temple, Kalluveeranahalli, Mandya - 571430, Mandya District [TM000113]
×
Temple History
ಇತಿಹಾಸ
ಮಂಡ್ಯ ಜಿಲ್ಲೆ ಮಳವಳ್ಳಿ ತಾಲ್ಲೂಕು ಕಸಬಾ ಹೋಬಳಿ ಕಲ್ಲುವೀರನಹಳ್ಳಿ ಗ್ರಾಮದ ಶ್ರೀಮತ್ತಿತಾಳೇಶ್ವರ ದೇವಸ್ಥಾನವು ಪ್ರಸಿದ್ದ ಯಾತ್ರಾ ಸ್ಥಳವಾಗಿರುತ್ತದೆ.ಈ ದೇವಸ್ಥಾನವಿರುವ ಜಾಗದಲ್ಲಿ ಈ ಹಿಂದೆ ಋಷಿಮುನಿಗಳು ತಪಸ್ಸು ಮಾಡಿ ಇದೇ ಜಾಗದಲ್ಲಿಯೇ ಐಕ್ಯವಾಗಿ ಈ ಮುನಿಯ ಮೇಲೆ ಬೃಹದಾಕಾರದ ಹುತ್ತ ಬೆಳದಿರುವುದರಿಂದ ಈ ಹುತ್ತಕ್ಕೆ ಬಂದು ಹಸುವು ಹಾಲು ಕರೆಯುತ್ತಿದ್ದರಿಂದ ಗ್ರಾಮದ ಭಕ್ತಾಧಿಗಳು ಒಂದು ದಿನ ಹುತ್ತವನ್ನು ಅಗೆದು ನೋಡಿದಾಗ ಅದರಲ್ಲಿ ಒಂದು ಲಿಂಗವು ಮೂಡಿರುವುದು ಗೋಚರವಾಗಿರುತ್ತದೆ. ಈ ಹಿನ್ನಲೆಯಲ್ಲಿ ದೇವರು ಅಲ್ಲಿನ ಭಕ್ತಾಧಿಗಳ ಕನಸಿನಲ್ಲಿ ತಿಳಿಸಿರುವಂತೆ ಪ್ರತಿ ಗುರುವಾರ ಮತ್ತು ಭಾನುವಾರ ದೇವಸ್ಥಾನದ ಪಕ್ಕದ ಕೊಳದಲ್ಲಿ ಸ್ನಾನ ಮಾಡಿ ದೇವಸ್ಥಾನದಲ್ಲಿ ಅಡುಗೆ ಮಾಡಿ ಊಟ ಮಾಡಿದರೆ ರೋಗ ರುಜಿನಗಳು ವಾಸಿಯಾಗುತ್ತೆಂಬ ಪ್ರತೀತಿ ಇದ್ದು ಈ ದೇವರು ಬಹಳ ನಂಬಿಕೆಯುಳ್ಳ ಪುರಾಣ ಪ್ರಸಿದ್ದವಾಗಿದ್ದು ಈಗಲೂ...ಮಂಡ್ಯ ಜಿಲ್ಲೆ ಮಳವಳ್ಳಿ ತಾಲ್ಲೂಕು ಕಸಬಾ ಹೋಬಳಿ ಕಲ್ಲುವೀರನಹಳ್ಳಿ ಗ್ರಾಮದ ಶ್ರೀಮತ್ತಿತಾಳೇಶ್ವರ ದೇವಸ್ಥಾನವು ಪ್ರಸಿದ್ದ ಯಾತ್ರಾ ಸ್ಥಳವಾಗಿರುತ್ತದೆ.ಈ ದೇವಸ್ಥಾನವಿರುವ ಜಾಗದಲ್ಲಿ ಈ ಹಿಂದೆ ಋಷಿಮುನಿಗಳು ತಪಸ್ಸು ಮಾಡಿ ಇದೇ ಜಾಗದಲ್ಲಿಯೇ ಐಕ್ಯವಾಗಿ ಈ ಮುನಿಯ ಮೇಲೆ ಬೃಹದಾಕಾರದ ಹುತ್ತ ಬೆಳದಿರುವುದರಿಂದ ಈ ಹುತ್ತಕ್ಕೆ ಬಂದು ಹಸುವು ಹಾಲು ಕರೆಯುತ್ತಿದ್ದರಿಂದ ಗ್ರಾಮದ ಭಕ್ತಾಧಿಗಳು ಒಂದು ದಿನ ಹುತ್ತವನ್ನು ಅಗೆದು ನೋಡಿದಾಗ ಅದರಲ್ಲಿ ಒಂದು ಲಿಂಗವು ಮೂಡಿರುವುದು ಗೋಚರವಾಗಿರುತ್ತದೆ. ಈ ಹಿನ್ನಲೆಯಲ್ಲಿ ದೇವರು ಅಲ್ಲಿನ ಭಕ್ತಾಧಿಗಳ ಕನಸಿನಲ್ಲಿ ತಿಳಿಸಿರುವಂತೆ ಪ್ರತಿ ಗುರುವಾರ ಮತ್ತು ಭಾನುವಾರ ದೇವಸ್ಥಾನದ ಪಕ್ಕದ ಕೊಳದಲ್ಲಿ ಸ್ನಾನ ಮಾಡಿ ದೇವಸ್ಥಾನದಲ್ಲಿ ಅಡುಗೆ ಮಾಡಿ ಊಟ ಮಾಡಿದರೆ ರೋಗ ರುಜಿನಗಳು ವಾಸಿಯಾಗುತ್ತೆಂಬ ಪ್ರತೀತಿ ಇದ್ದು ಈ ದೇವರು ಬಹಳ ನಂಬಿಕೆಯುಳ್ಳ ಪುರಾಣ ಪ್ರಸಿದ್ದವಾಗಿದ್ದು ಈಗಲೂ ಸಹ ಈ ಪದ್ದತಿ/ಸಂಪ್ರದಾಯ ಮುಂದುವರೆಯುತ್ತಾ ಬಂದಿರುತ್ತದೆ.
ಈ ಹಿಂದೆ ದೇವಸ್ಥಾನ ಇರುವ ಜಾಗದಲ್ಲಿ ಮತ್ತಿ ಮರದ ಕೆಳಗೆ ಋಷಿ ಮುನಿಗಳು ತಪಸ್ಸು ಮಾಡಿರುವುದರಿಂದ ಈ ಸ್ಥಳಕ್ಕೆ ಮತ್ತಿತಾಳೇಶ್ವರ ಎಂದು ಕರೆಯುತ್ತಾರೆ. ಸದರಿ ದೇವಸ್ಥಾನದಲ್ಲಿ ಮತ್ತಿಪುಡಿ ವಿಶೇಷವಾಗಿರುತ್ತದೆ. ದೇವಸ್ಥಾನದ ಪಕ್ಕದಲ್ಲಿರುವ ಕೊಳದಲ್ಲಿ ಸ್ನಾನ ಮಾಡಿ ನಾಗರಕಲ್ಲಿಗೆ ತನಿ/ಹಾಲಿನ ಎರೆದರೆ ನಾಗದೋಷಗಳು ನಿವಾರಣೆಯಾಗುತ್ತದೆ ಎಂಬ ಪ್ರತೀತಿ ಇದೆ. ಈಗಲೂ ಭಕ್ತಾಧಿಗಳು ಗುರುವಾರ ಮತ್ತು ಭಾನುವಾರ ದೇವಸ್ಥಾನದ ಕೊಳದಲ್ಲಿಯೇ ಸ್ನಾನ ಮಾಡಿ ಮತ್ತಿಚಕ್ಕೆಯೆ ಪುಡಿಯನ್ನು ಗಾಯದ ಮೇಲೆ ಅಂಟಿಸಿಕೊಂಡು ದೇವಸ್ಥಾನದಲ್ಲಿ ಅಡುಗೆಯನ್ನು ಮಣ್ಣಿನ ಮೇಲೆ ಹಾಕಿಕೊಂಡು ಮೂರು ವಾರ ಅದೇ ರೀತಿ ಪೂಜೆ ಮಾಡಿದರೆ ಭಕ್ತಾಧಿಗಳಲ್ಲಿರುವ ರೋಗರುಜಿನಗಳು ವಾಸಿಯಾಗುತ್ತವೆ ಮತ್ತು ಚರ್ಮ ರೋಗವು ವಾಸಿಯಾಗುತ್ತದೆ. ಈ ಪದ್ದತಿಯು ಈಗಲೂ ಮುಂದುವೆರೆಸಿಕೊಂಡು ಬಂದಿರುತ್ತದೆ.
ಸದರಿ ದೇವಸ್ಥಾನದಲ್ಲಿ ಷಷ್ಠೀ ದಿನದಂದು ಹೆಚ್ಚಿನ ಸಂಖ್ಯೆಯಲ್ಲಿ ಭಕ್ತಾಧಿಗಳು ಆಗಮಿಸಿ ಕೊಳದಲ್ಲಿ ಸ್ನಾನ ಮಾಡಿ ದೇವಸ್ಥಾನದಲ್ಲಿ ಪೂಜೆ ಸಲ್ಲಿಸಿ ಅಡುಗೆ ಮಾಡಿಕೊಂಡು ಊಟ ಮಾಡುತ್ತಾರೆ. ಇದು ಈ ದೇವಾಲಯದ ವಿಶೇಷವಾಗಿರುತ್ತದೆ.