ಶ್ರೀ ಬ್ರಹ್ಮದೇವರು ಇಷ್ಟದೇವತಾ ಬಲವಂಡಿ ವ್ಯಾಘ್ರ ಚಾಮುಂಡಿ ದೇವಾಲಯ, ಪಡುಪೆರಾರ, ದಕ್ಷಿಣ ಕನ್ನಡ - 574142, ದಕ್ಷಿಣ ಕನ್ನಡ .
Sri Brahma Devaru Istadevatha Balavandi Vyaghra Chamundi Temple, Padupererar, Dakshina Kannada - 574142, Dakshina Kannada District [TM000115]
×
Temple History
ಇತಿಹಾಸ
ಪರಶುರಾಮ ಸೃಷ್ಟಿಯ ತುಳುವರು ವಿದ್ಯೆ, ವ್ಯಾಪಾರ, ವ್ಯವಹಾರಗಳ ಬೆಳವಣಿಗೆಗಾಗಿ ತುಳುನಾಡಿನ ಸರಹದ್ದನ್ನು ದಾಟಿ ಪ್ರಪಂಚದಾದ್ಯಂತ ಕಂಡು ಬರುವರು. ಪರಶುರಾಮ ದೇವರಿತ್ತ ಕಡಲಡಿಯ ಮಾಯಾ ಸೃಷ್ಟಿಯ ನೆಲವನ್ನುಅನ್ನದ ಬಟ್ಟಲೆಂದು ಪೂಜಿಸುವ ತುಳುವರು, ತಾವು ನಂಬಿದ ದೈವಗಳ ಮುಂದೆ ‘ತಿರುಪತಿ ಮುಡಿಪು’ ಕೂಡಿಟ್ಟು ತಿರುಪತಿ ಯಾತ್ರೆ ಕೈಗೊಂಡು ತಿರುಪತಿ ತಿಮ್ಮಪ್ಪನ ದೇವರಪಾದಕ್ಕೆ ಸಮರ್ಪಿಸುತ್ತಿದ್ದರು.
ಉದಯಿಸುವ ಸೂರ್ಯನಂತೆ ಪ್ರಭೆಯುಳ್ಳ, ಮೂರು ಕಣ್ಣುಗಳಿರುವ, ನಾಗರಾಜನನ್ನು ಆಭರಣಗಳಾಗಿ ಧರಿಸಿ ಶೋಭಿಸುವ, ತನ್ನ ನಾಲ್ಕು ಕೈಗಳಲ್ಲಿ ಕಪಾಲ, ಖಡ್ಗ, ಬಿಳಿ ತಾವರೆ, ಡಕ್ಕೆಗಳನ್ನು ಧರಿಸಿಕೊಂಡಿರುವ, ಕೈಕಾಲು, ಸೊಂಟಗಳಲ್ಲಿ ಕಿಂಕಿಣಿ ಮಾಲೆ ಗೆಜ್ಜೆಗಳನ್ನು ಧರಿಸಿ ಅವುಗಳಿಂದ ಬರುವ ನಾದಗಳಿಂದ ಆನಂದಪಡುತ್ತಿರುವ, ಭೂಮಿಯಲ್ಲಿರುವ ತನ್ನ ಭಕ್ತರ ಆಕಾಂಕ್ಷೆಗಳನ್ನು ನೆರವೇರಿಸುತ್ತಿರುವ, ಪಂಚಭೂತಗಳಿಗೆ ಒಡೆಯನಾದ, ನಾಲ್ಕು ಮುಖಗಳಿರುವ, ಭಕ್ತರ ಭಯವನ್ನು ಪರಿಹರಿಸುವ ಬ್ರಹ್ಮನನ್ನು ಸಂತತಿ ಸಂಪತ್ತುಗಳ ಅಪೇಕ್ಷೆಯಿಂದ ನಿತ್ಯವೂ...ಪರಶುರಾಮ ಸೃಷ್ಟಿಯ ತುಳುವರು ವಿದ್ಯೆ, ವ್ಯಾಪಾರ, ವ್ಯವಹಾರಗಳ ಬೆಳವಣಿಗೆಗಾಗಿ ತುಳುನಾಡಿನ ಸರಹದ್ದನ್ನು ದಾಟಿ ಪ್ರಪಂಚದಾದ್ಯಂತ ಕಂಡು ಬರುವರು. ಪರಶುರಾಮ ದೇವರಿತ್ತ ಕಡಲಡಿಯ ಮಾಯಾ ಸೃಷ್ಟಿಯ ನೆಲವನ್ನುಅನ್ನದ ಬಟ್ಟಲೆಂದು ಪೂಜಿಸುವ ತುಳುವರು, ತಾವು ನಂಬಿದ ದೈವಗಳ ಮುಂದೆ ‘ತಿರುಪತಿ ಮುಡಿಪು’ ಕೂಡಿಟ್ಟು ತಿರುಪತಿ ಯಾತ್ರೆ ಕೈಗೊಂಡು ತಿರುಪತಿ ತಿಮ್ಮಪ್ಪನ ದೇವರಪಾದಕ್ಕೆ ಸಮರ್ಪಿಸುತ್ತಿದ್ದರು.
ಉದಯಿಸುವ ಸೂರ್ಯನಂತೆ ಪ್ರಭೆಯುಳ್ಳ, ಮೂರು ಕಣ್ಣುಗಳಿರುವ, ನಾಗರಾಜನನ್ನು ಆಭರಣಗಳಾಗಿ ಧರಿಸಿ ಶೋಭಿಸುವ, ತನ್ನ ನಾಲ್ಕು ಕೈಗಳಲ್ಲಿ ಕಪಾಲ, ಖಡ್ಗ, ಬಿಳಿ ತಾವರೆ, ಡಕ್ಕೆಗಳನ್ನು ಧರಿಸಿಕೊಂಡಿರುವ, ಕೈಕಾಲು, ಸೊಂಟಗಳಲ್ಲಿ ಕಿಂಕಿಣಿ ಮಾಲೆ ಗೆಜ್ಜೆಗಳನ್ನು ಧರಿಸಿ ಅವುಗಳಿಂದ ಬರುವ ನಾದಗಳಿಂದ ಆನಂದಪಡುತ್ತಿರುವ, ಭೂಮಿಯಲ್ಲಿರುವ ತನ್ನ ಭಕ್ತರ ಆಕಾಂಕ್ಷೆಗಳನ್ನು ನೆರವೇರಿಸುತ್ತಿರುವ, ಪಂಚಭೂತಗಳಿಗೆ ಒಡೆಯನಾದ, ನಾಲ್ಕು ಮುಖಗಳಿರುವ, ಭಕ್ತರ ಭಯವನ್ನು ಪರಿಹರಿಸುವ ಬ್ರಹ್ಮನನ್ನು ಸಂತತಿ ಸಂಪತ್ತುಗಳ ಅಪೇಕ್ಷೆಯಿಂದ ನಿತ್ಯವೂ ಪ್ರಾರ್ಥಿಸಿದಲ್ಲಿ ಅವನು ಒಲಿದು ಬರುವನು.
ದೇವರ ಅಪ್ಪಣೆಯಂತೆ ‘ಬಲವಂಡಿ’ ಭೂಮಿಯಲ್ಲಿ ಅವತರಿಸಲು ಯೋಗಭಾಗ್ಯವಿರುವ ಮನೆತನ ಹುಡುಕುವರು. ಆ ಸಂದರ್ಭ ಅವರಿಗೆ ಪಲ್ಗುಣಿ ನದಿ ದಂಡೆಯಲ್ಲಿ ಸಂತತಿ ಪ್ರಾಪ್ತಿಗಾಗಿ ತಪಸ್ವಿಗಳಂತೆ ಏಕಾಗ್ರತೆಯಲ್ಲಿ ಕುಳಿತು ದೇವರ ಮನ ಕರಗುವಂತೆ ಭಕ್ತಿಯಿಂದ ಆಲಾಪನೆ ಮಾಡುತ್ತಿರುವ ಸತ್ಯಬನ್ನಾರ್ದಂಪತಿ ಕಂಡರು. ಪರಮಾತ್ಮ ಸಂಭೂತ ಬಲವಂಡಿಗೆ ದಂಪತಿ ತಪಸ್ವಿಗಳ ಸಾಕುಮಗನಾಗಿ ಅವತರಿಸುವ ಭಾಗ್ಯ ಒದಗಿತು. ಬಲವಂಡಿ ತಡಮಾಡದೆ ಪಲ್ಗುಣಿ ನದಿ ದಂಡೆಯ ಮರಳು ರಾಶಿಯಲ್ಲಿ ಹಿಂಗಾರ ಹಾಳೆಯಲ್ಲಿ ಹಸುಗೂಸಾಗಿ ಉದ್ಧವಿಸಿ ರಚ್ವೆ ಹಿಡಿದು ಅಳುತಿರಲು ಬನ್ನಾರ್ದಂಪತಿಯ ಕಿವಿಗೆ ಮಗುವಿನ ಅಳು ಕೇಳಿಸಿತು. ದಂಪತಿ ಕ್ಷಣ ಮೌನವಾಗಿ ನಿಂತು ದೇವರನ್ನು ಪ್ರಾರ್ಥಿಸಿ ‘ದೇವರೇ ಏನಿದು ನಿನ್ನಆಟ’? ಎಂದು ಕೇಳಲು ಅಳು ಕೇಳಿಸುವತ್ತ ಹೆಜ್ಜೆ ಎತ್ತಿಡಲು, ಮಗು ಅಲ್ಲೇ ಹತ್ತಿರದಲ್ಲಿ ಕೈಗೆಟುಕಲು ಹತ್ತಿರ ಹತ್ತಿರಕ್ಕೆ ಬರುತ್ತಿದ್ದಂತಾಗುತ್ತಿದೆ. ಅಳುತ್ತಿದ್ದ ಮಗು ತನ್ನ ಹೆತ್ತವರನ್ನು ಕಂಡೆನೆಂಬ ಸಂತಸದಿಂದ ಮಾಯೆಯ ನಗುಬೀರುತ್ತಿದೆ.
ದೋಣೆಂಜೆ ಗುತ್ತಿನ ಪರಿಸರದ ಜನರಿಗೆ ದೋಣಿಂಜೆಗುತ್ತಿನ ಸತ್ಯಬನ್ನಾರ್ದಂಪತಿಗೆ ಮಗು ಸಿಕ್ಕಿತಂತೆ, ಹಸುಗೂಸು ಅದೆಂಬರು, ಮಾಯೆಯಲ್ಲಿ ಹುಟ್ಟಿಬಂದ ಮಗುವನ್ನು ಮೈಲಿಗೆ ಮಾಡಲು ಭಯ ಬಿದ್ದ ಜನರು ಸ್ವಾಮೀ ‘ನಾಡು’ (ಹುಡುಕಾಡು) ಎಂಬರ್ಥದ ತುಳು ಹೆಸರಿಟ್ಟು ದೇವರನ್ನು ಪ್ರಾರ್ಥಿಸುವರು.
ನಾಗ ಬ್ರಹ್ಮದೇವರ ವರ ಪ್ರಸಾದದಿಂದ ಅವತರಿಸಿದ ‘ನಾಡು’ ಅಪ್ಪ ಅಮ್ಮನ ಪ್ರೀತಿಯ ಮಗನಾಗಿ ವಿದ್ಯೆಯಲ್ಲಿ ಅತೀ ಶ್ರೇಷ್ಠನೆಂಬಂತೆ ದೇವಲೋಕದ ಮಗುತಾನೆಂಬುದನ್ನು ಮರೆತು ಬಡಜನರ ಒಡನಾಡಿಯಾಗಿ ಬೆಳೆಯುವನು. ದುಷ್ಟ ಜನರನ್ನು ನಾಶ ಮಾಡುವ ವ್ರತ ಹಿಡಿದ ನಾಡುಶೆಟ್ಟಿ ತನ್ನಗರಡಿ ಸಾಧಕ ವಿದ್ಯೆಗೆ 69 ಜನರನ್ನು ಪಳಗಿಸಿ ಅಡಗು ದಾಳಿಯ ಪ್ರಾವೀಣ್ಯತೆಯಿಂದ ಸಾವಿರ ಜನರ ಸರದಾರರೆಂದು ಊರು ಕೊಳ್ಳೆ ಹೊಡೆಯುವ ಕದೀಮರನ್ನು ನಾಶಗೊಳಿಸಿ ಅವರ ಸಂಪತ್ತನ್ನು ಬಡಬಗ್ಗರಿಗೆ ದಾನ ಮಾಡುವನು.
ನಾಡುವಿನ ತಾಯಿಲಕ್ಷ್ಮೀ ಆತ್ಮಸಮರ್ಪಣೆ ಮಾಡಿಕೊಂಡ ಬಾವಿಯಿಂದ ಕ್ಷೇತ್ರದ ಮದುವೆಗೆ ತಯಾರಾದ ಮದುವಣಗಿತ್ತಿಯರು – ಒಂದು ಚೆಂಡು ಹೂವನ್ನು ಬಾವಿಯ ದಂಡೆಯಲ್ಲಿ ಹರಕೆಯಾಗಿಟ್ಟು ಮದುವೆಯ ಕಷ್ಟಗಳನ್ನು ತಿಳಿಸಿ ಬಂಗಾರ ಬೇಡಿಕೊಂಡರೆ ಒಬ್ಬ ವಧುವಿಗೆ ಸಾಕಾಗುವ ತಾಳಿ ಭಾಗ್ಯ ಒದಗಿ ಬರುತ್ತಿತ್ತಂತೆ.
ತಾಯಿ-ತಂದೆಯನ್ನು ಕಳಕೊಂಡ ನಾಡುದೈವ-ದೇವರುಗಳ ಪರಮ ಶತ್ರುವಾದನು. ನಾಡುವಿನ ಮನಸ್ಸಿಗೆ ದುಡಿಮೆಯೇ ದೇವರು ಎಂಬ ಸತ್ಯ ತಿಳಿದು ಬರುತ್ತದೆ. ಆದರೆ ಅವನಿಗೆ ದೇವರ ಬಗೆಗಿನ ಅಸ್ತಿತ್ವ ಸುಳ್ಳು, ನನ್ನ ಅಮ್ಮ ಅಪ್ಪನನ್ನು ಮರಣದ ಕೂಪಕ್ಕೆ ತಳ್ಳಿದ ಆ ದಯೇ ಇಲ್ಲದ ದೇವರನ್ನು ಪೂಜಿಸಿದರೆಷ್ಟು, ಪೂಜಿಸದಿದ್ದರೆ ಏನಾದೀತು ? ಎಂಬ ನಾಸ್ತಿಕ ಪಂಥ ಅವನಲ್ಲಿ ಮನೆ ಮಾಡಿತು. ಆದರೂ ದೋಣೆಂಜೆಯ ಮಣ್ಣು ಅವನನ್ನು ‘ಬಾ ಮಗು’ ಎಂದು ಕರೆಯುತ್ತಿರಲು ನಾಡು ತಂದೆಯ ವೈರಿಗಳ ನಾಶಕ್ಕಾಗಿ ತನ್ನ ಯೋಧರೊಂದಿಗೆ ಕೂಟ ಕಟ್ಟಿ, ಅಪ್ಪನನ್ನು ಕೊಂದವರನ್ನು ನಾಶಮಾಡಿ ಹಗೆ ತೀರಿಸಿಕೊಂಡನು.
ಅರಸರಿಂದ ನಾಡುಶೆಟ್ಟಿಗೆ ತುರ್ತು ಕರೆ ಹೋಗುತ್ತದೆ. “ಮಂಗಾರದ ಅರಸರು ದೇವರ ಸನ್ನಿಧಾನಕ್ಕೆ ಹೋಗುವವರಿದ್ದಾರೆ. ನಿಮ್ಮನ್ನು ಅಗತ್ಯ ಬರಲು ತಿಳಿಸಿದ್ದಾರೆ”. ನಾಡು ಅರಸರ ಕರೆಗೆ ತಡ ಮಾಡದೆ ಉಟ್ಟ ಬಟ್ಟೆಯಲ್ಲೇ ಹೊರಟು ಬಿಟ್ಟಿದ್ದಾನೆ. ಅರಸರ ಆಸ್ಥಾನಕ್ಕೆ ಬಂದು ವಿಷಯ ಏನೆಂದು ಕೇಳಲು, ಅರಸರು, ಅವರ ಮಾವ ಹೇಳಿಕೊಂಡ ಹರಕೆಯನ್ನು ಮಹಾದೇವಮಾಲಿಂಗೇಶ್ವರ ದೇವರಿಗೆ ಸಂದಾಯ ಮಾಡಬೇಕು, ನೀನು ನನ್ನೊಂದಿಗೆ ಬಂದು ಮಹಾದೇವನ ಸನ್ನಿಧಾನಕ್ಕೆ ಹೋಗುವ ದಾರಿ ತಿಳಿಸಬೇಕೆಂದರು.
“ಕದಿರೆ ಮಂಜುನಾಥ ದೇವರೆಂದರೆ ತುಂಬಾ ಕಾರಣಿಕದ ದೇವರು, ನಾಡು, ನೀನು ಕುದುರೆಯಿಂದ ಇಳಿ, ದೇವರಿಗೆ ವಂದನೆ ಸಲ್ಲಿಸೋಣ” ಎಂದು ಅರಸು ಹೇಳಿದಾಗ, ‘ಜೋಗಿ ದೇವರಿಗೆ ನಾನು ಕೈ ಮುಗಿಯಲಾರೆ, ನೀವು ಬೇಕಾದರೆ ಹರಕೆ ಒಪ್ಪಿಸಿ ಬನ್ನಿ’ ಎಂದು ನಾಡು ಹೇಳಿದನು.
ಕ್ಷೇತ್ರ ಪೆರಾರ 16 ಗುತ್ತು 16 ಒಳಗುತ್ತು, 16 ಚಾಕರಿಯವರು ಹೀಗೆ ಅಗ್ಗಿ ದೈಮಠ (ಗಂಜಿಮಠ) ದಂಬೆಪಾಂಪು (ಎಕ್ಕಾರು ಪೆರಾರದ ಗಡಿಪ್ರದೇಶ) ವರೆಗೆ ಒಂದು ಮಂಡಲ ಚೌಕಟ್ಟಿನೊಳಗೆ – ಬಡವರ ಕಷ್ಟಗಳಿಗೆ ಸುಖ ಕೊಡುವ ಇಷ್ಟ ದೇವರಾಗಿ ಪೆರಾರ (ಪೇರ್ = ಹಾಲು) ಹಾಲಿನಂತೆ ಗುಣಮಾನ್ಯ ದೈವಗಳ ಕ್ಷೇತ್ರವೆಂಬ ಪ್ರಸಿದ್ಧಿ ಪಡೆದಿರುತ್ತದೆ. ಕಿನ್ನಿಮಜಲು ಕ್ಷೇತ್ರದ ಬಲವಂಡಿ ಪರಿವಾರದ ಕ್ಷೇತ್ರ ರಕ್ಷಣೆಯ ನುಡಿ ‘ಕಿನ್ನಿಮಜಲು ಸ್ಥಾನದಲ್ಲಿ ದೇವರೂ ನಾವೇ, ದೈವಗಳೂ ನಾವೇ’ ಎನ್ನುವ ನುಡಿಯೊಂದಿಗೆ ಧರ್ಮದೇವತೆಗಳ ಮಹಾಶಕ್ತಿ ಬಲವಂಡಿ ಶಕ್ತಿಗೆ ಉರುಳು ಸೇವೆ ಮಾಡುತ್ತಾ ಕ್ಷೇತ್ರದ ಧ್ವಜಸ್ತಂಭದ ಮುಂದೆ ಸಾಷ್ಟಾಂಗ ನಮಸ್ಕರಿಸಿ ಪುಣ್ಯಾತ್ಮರೆನಿಸಿಕೊಳ್ಳೋಣ.
ಶ್ರೀ ಕ್ಷೇತ್ರ ಧರ್ಮಸ್ಥಾನ ಪೆರಾರದ ದೈವ, ದೇವರುಗಳ ಮಹಿಮೆಗಳನ್ನು ಭಕ್ತಿಯಿಂದ ಪಾರಾಯಣ ಮಾಡುತ್ತಾ ಹೋದರೆ ! ಇಲ್ಲಿಯ ಗತ ವೈಭವ, ಮನಸ್ಸೆಂಬ ಪರದೆಯ ಮೇಲೆ ಅಚ್ಚೊತ್ತಿದಂತೆ ಸ್ಥಿರವಾಗಿ ನಿಲ್ಲುತ್ತದೆ. ಶ್ರೀ ಕ್ಷೇತ್ರದ ನವ್ಯ ಚಿತ್ರಣವನ್ನು ಪ್ರಾಚೀನ ಮೌಲ್ಯಗಳೊಂದಿಗೆ ತುಲನೆ ಮಾಡಲು ಸ್ಪಷ್ಟವಾಗಿ ಋಷಿ ಮುನಿಗಳ ತಪೋಬಲದ ಪವಾಡಗಳು ಕಂಡು ಬರುತ್ತವೆ. ಅಂದಿನ ಮಹಾತ್ಮರಿಗೆ ದೇವಪ್ರಭೆಯೇ ದಾರಿದೀಪವಾಗಿತ್ತು.
ಶ್ರೀ ಕ್ಷೇತ್ರವನ್ನು ಭಕ್ತಾದಿಗಳ ಶಕ್ತಿ ಹೊಚ್ಚ ಹೊಸತಾಗಿ ಕಟ್ಟುವಲ್ಲಿ ದೈವ, ದೇವರುಗಳು ನಿರ್ದೇಶಿಸಿದಂತೆ ಶಕ್ತಿ ರೂಪು ತಳೆದಿದೆ. ಕ್ಷೇತ್ರದ ಪ್ರಾಚೀನತೆ ಮತ್ತು ನವ್ಯವನ್ನು ಹೋಲಿಕೆ ಮಾಡಲು ಕ್ಷೇತ್ರ ದರುಶನ ಮಾಡಿಯೇ ಮುಂದುವರಿಯಬೇಕು. ಭಕ್ತರು ಕ್ಷೇತ್ರದ ಪಾವಿತ್ರ್ಯತೆ, ಪ್ರಾಧಾನ್ಯತೆ, ಪ್ರಾಚೀನತೆಗಳನ್ನುಕಣ್ತುಂಬಿಕೊಂಡು ದೈವಬಲ, ದೇವಬಲ ಕೂಡಿ ಬರಲಿ ಎಂದು ಪ್ರಾರ್ಥಿಸಿದರೆ, ಪ್ರಾರ್ಥನೆಗೆ ಫಲಸಿಗುತ್ತದೆ ! ಮಾತ್ರವಲ್ಲ ಮನ:ಶಾಂತಿ ಶತಸಿದ್ಧ ಎನ್ನುತ್ತಾರೆ ಭಕ್ತರು.
ಶ್ರೀ ಕ್ಷೇತ್ರ ನಾಗ ಬ್ರಹ್ಮ, ಶಾಸ್ತ್ರ”, ದೇವರುಗಳ-ದೇವಾಲಯವಾಗಿ ಭಕ್ತರ ಬೇಡಿಕೆಗಳನ್ನುಈಡೇರಿಸಿದರೆ, “ಅರಸು ಉಳ್ಳಾಕ್ಲು”, “ಬಲವಂಡಿ”, “ವ್ಯಾಘ್ರ ಚಾಮುಂಡಿ” (ಪಿಲಿಚಂಡಿ) ರಾಜನ್ ದೈವಶಕ್ತಿಗಳು ಭಕ್ತರ ದವಸ ಧಾನ್ಯ, ಧನ-ಕನಕಾದಿ ಸಿರಿವಂತಿಕೆಯ ರಕ್ಷಣೆ ಮಾಡುವಲ್ಲಿ ಮತ್ತು ಬೇಸಾಯದ ದುಡಿಮೆಗೆ ಸಹಕರಿಸುವಲ್ಲಿ, ನೀರನಿಧಿಯಾಗಿ ಒಲಿದು ಬರುವರು. ಒಂದೇ ಕತ್ತರಿ ಮಂಚದಲ್ಲಿ ಮೂವರು ರಾಜನ್ ದೈವಗಳು ನೆಲೆಗೊಂಡಿರುವ ದೈವರಾಧನೆಯ ಏಕಮಾತ್ರ ಕ್ಷೇತ್ರ ಇದಾಗಿರುತ್ತದೆ. ಮಾತ್ರವಲ್ಲ ಶ್ರೀಕ್ಷೇತ್ರದ ಹಿತ ಕಾಪಾಡಲು, ಧೂಮಾವತಿ (ಜುಮಾದಿ), ಪಂಜುರ್ಲಿ, ಹುಲಿದೈವ (ಪಿಲಿದೈವ) ಕಂಡೆತ್ತಾಯದೈವಗಳು.