Screen Reader Access                 A-  A  A+ 
ಶ್ರೀ ನಿಟಿಲಾಕ್ಷ ಸದಾಶಿವ ದೇವಸ್ಥಾನ, ಗೋಳ್ತಮಜಲು, ದಕ್ಷಿಣ ಕನ್ನಡ - 574222, ದಕ್ಷಿಣ ಕನ್ನಡ .
Sri Nitilaksha Sadashiva Temple, Golthamajalu, Dakshina Kannada - 574222, Dakshina Kannada District [TM000118]
×
Temple History

ಇತಿಹಾಸ

ಶ್ರೀ ನಿಟಿಲಾಕ್ಷ ಸದಾಶಿವ ದೇವರು ನೆಲೆನಿಂತ ಕ್ಷೇತ್ರ ನಿಟಿಲಾಪುರ. ಇದು ತುಳುನಾಡಿನ ಕೇಂದ್ರ ಭಾಗದಲ್ಲಿರುವ ಒಂದು ಕಾರ್ಣಿಕ ಕ್ಷೇತ್ರ. ಮಂಗಳೂರು - ಬೆಂಗಳೂರು ಹೆದ್ದಾರಿಯಲ್ಲಿ (ರಾ.ಹೆ.75) ಮಂಗಳೂರಿನಿಂದ 30ಕಿ.ಮೀ. ದೂರದಲ್ಲಿ ಕಲ್ಲಡ್ಕ ಇದೆ ಅಲ್ಲಿಂದ ಸುಮಾರು 2ಕಿ.ಮೀ. ಪಶ್ಚಿಮದಲ್ಲಿ ನಿಟಿಲಾಪುರ (ನೆಟ್ಲ ) ಕ್ಷೇತ್ರವಿದೆ. ಕಲ್ಲಡ್ಕ ವಿಟ್ಲ ರಸ್ತೆಯಲ್ಲಿ ರೈಲ್ವೆ ಮೇಲು ಸಂಕಕ್ಕೆ ಮೊದಲು ಬಲಕ್ಕೆ ಕವಲೊಡೆಯುವ ಮಂಚಿ ರಸ್ತೆಯಿಂದ ಶ್ರೀ ಕ್ಷೇತ್ರ ನಿಟಿಲಾಪುರಕ್ಕೆ ರಸ್ತೆ ಸಂಪರ್ಕ ಇದೆ. ಪ್ರಕೃತಿ ರಮಣೀಯವಾದ ಬಯಲ ನಡುವೆ ಶ್ರೀ ನಿಟಿಲಾಕ್ಷ ದೇವಸ್ಥಾನ ಕಂಗೊಳಿಸುತ್ತಿದೆ. ಪೌರಾಣಿಕ ಹಿನ್ನೆಲೆ : ಪ್ರಳಯ ಕಾಲದಲ್ಲಿ ಏಳಮಶಿವನು ಬಾಲಶಿವನಾಗಿಯೂ ಉಮೇಯು ಕುಮಾರಿ ಗೌರಿಯಾಗಿಯು ಜಲಕ್ರೀಡೆಯಾಡುತ್ತಾ ದೋಣಿಯೊಂದರಲ್ಲಿ ದೊಡ್ಡದಾದ ಬಂಡೆಯೊಂದರ ಸಮೀಪ ತಂಗುತ್ತಾರೆ. ಮಕ್ಕಳಂತೆ ಕಣ್ಣುಮುಚ್ಚಾಲೆ ಆಟ ಆಡುವ ಸಮಯ ಸದಾಶಿವನ ಎರಡೂ ಕಣ್ಣುಗಳನ್ನು...