ಶ್ರೀ ಶಂಕರನಾರಾಯಣ ದೇವಸ್ಥಾನ ಶಂಕರನಾರಾಯಣ, ಉಡುಪಿ - 576227, ಉಡುಪಿ .
Sri Shankaranarayana Temple Shankaranarayana, Udupi - 576227, Udupi District [TM000196]
×
Temple History
ಸ್ಥಳ ಪುರಾಣ
ಈ ಪರಶುರಾಮು ಸೃಷ್ಟಿಯಲ್ಲಿರುವ ಸಪ್ತ ಮಹಾ ಕ್ಷೇತ್ರಗಳಲ್ಲಿ ಶ್ರೀ ಶಂಕರನಾರಾಯಣ ದೇವಾಲಯವು ಒಂದಾಗಿರುತ್ತದೆ. ಈ ಸ್ಥಳದ ಸೃಷ್ಟಿ ಸೌಂದರ್ಯವು ಜನರನ್ನು ಆಕರ್ಷಿಸುತ್ತದೆ. ಉನ್ನತವಾದ ಕ್ರೋಡಮುನಿಯು ತಪಸ್ಸು ಮಾಡಿದ ಗುಹೆ, ಪರ್ವತದ ತಪ್ಪಲಲ್ಲಿ ಕೊಳ, ಕೊಳದಲ್ಲಿ ಶ್ರೀ ಶಂಕರನಾರಾಯಣಸ್ವಾಮಿಯ ಲಿಂಗೋದ್ಭವ, ಕಡುಬೇಸಿಗೆ ಮಳೆಗಾಲವೆನ್ನದೇ ಒಂದೇ ಸಮನಾಗಿ ಹರಿಯುವ ನೀರು ಇದು ಈ ಸ್ಥಳದ ವೈಶಿಷ್ಟಗಳಾಗಿವೆ.
ಈ ದೇವಾಲಯವು ಪುರಾತನ ಕಾಲದಲ್ಲಿ ವಿಜಯನಗರ, ಇಕ್ಕೇರಿ, ಕೆಳದಿ ಮುಂತಾದ ರಾಜ ಮನೆತನದವರ ಮೇಲ್ಚಿಚಾರಣೆಯಲ್ಲಿ ಕಂಡು ಬಂದಿರುತ್ತದೆ. ಪುರಾಣ ಕಾಲದಲ್ಲಿ ಖರಾಸುರ ಮತ್ತು ರಟ್ಟಾಸುರ ಎನ್ನುವ ರಾಕ್ಷಸರ ಸಂಹಾರಕ್ಕಾಗಿ ಮಹಾ ತೇಜಸ್ವಿಯಾದ ಕ್ರೋಡಮುನಿಯು ಸಹ್ಯಾದ್ರಿ ಗಿರಿ ಶ್ರೇಣಿಯ ತಪ್ಪಲಿನಲ್ಲಿ ಘೋರ ತಪಸ್ಸು ಮಾಡಿ ಹರಿಹರರನ್ನು ಒಲಿಸಿಕೊಂಡರು. ಮುನಿಪುಂಗವರ ಆಚಲ ಭಕ್ತಿಗೆ...ಈ ಪರಶುರಾಮು ಸೃಷ್ಟಿಯಲ್ಲಿರುವ ಸಪ್ತ ಮಹಾ ಕ್ಷೇತ್ರಗಳಲ್ಲಿ ಶ್ರೀ ಶಂಕರನಾರಾಯಣ ದೇವಾಲಯವು ಒಂದಾಗಿರುತ್ತದೆ. ಈ ಸ್ಥಳದ ಸೃಷ್ಟಿ ಸೌಂದರ್ಯವು ಜನರನ್ನು ಆಕರ್ಷಿಸುತ್ತದೆ. ಉನ್ನತವಾದ ಕ್ರೋಡಮುನಿಯು ತಪಸ್ಸು ಮಾಡಿದ ಗುಹೆ, ಪರ್ವತದ ತಪ್ಪಲಲ್ಲಿ ಕೊಳ, ಕೊಳದಲ್ಲಿ ಶ್ರೀ ಶಂಕರನಾರಾಯಣಸ್ವಾಮಿಯ ಲಿಂಗೋದ್ಭವ, ಕಡುಬೇಸಿಗೆ ಮಳೆಗಾಲವೆನ್ನದೇ ಒಂದೇ ಸಮನಾಗಿ ಹರಿಯುವ ನೀರು ಇದು ಈ ಸ್ಥಳದ ವೈಶಿಷ್ಟಗಳಾಗಿವೆ.
ಈ ದೇವಾಲಯವು ಪುರಾತನ ಕಾಲದಲ್ಲಿ ವಿಜಯನಗರ, ಇಕ್ಕೇರಿ, ಕೆಳದಿ ಮುಂತಾದ ರಾಜ ಮನೆತನದವರ ಮೇಲ್ಚಿಚಾರಣೆಯಲ್ಲಿ ಕಂಡು ಬಂದಿರುತ್ತದೆ. ಪುರಾಣ ಕಾಲದಲ್ಲಿ ಖರಾಸುರ ಮತ್ತು ರಟ್ಟಾಸುರ ಎನ್ನುವ ರಾಕ್ಷಸರ ಸಂಹಾರಕ್ಕಾಗಿ ಮಹಾ ತೇಜಸ್ವಿಯಾದ ಕ್ರೋಡಮುನಿಯು ಸಹ್ಯಾದ್ರಿ ಗಿರಿ ಶ್ರೇಣಿಯ ತಪ್ಪಲಿನಲ್ಲಿ ಘೋರ ತಪಸ್ಸು ಮಾಡಿ ಹರಿಹರರನ್ನು ಒಲಿಸಿಕೊಂಡರು. ಮುನಿಪುಂಗವರ ಆಚಲ ಭಕ್ತಿಗೆ ಮೆಚ್ಚಿದ ಹರಿಹರರು ದೇವತೆಗಳ ಪ್ರಾರ್ಥನೆಯಂತೆ ಶಿವಾಚ್ಯುತಾತ್ಮಕ ದೇವದಾರಿಗಳಾಗಿ ಮುನಿಶ್ರೇಷ್ಠರೆದುರು ಪ್ರತ್ಯಕ್ಷರಾದರು, ಆಶ್ಚರ್ಯಕರವಾದ ರೂಪ ! ಒಂದೇ ಶರೀರದಲ್ಲಿ ವಾಮಾರ್ಧ ಭಾಗವನ್ನು ಅವಲೋಕಿಸಿದರೆ ಶ್ರೀ ಮನ್ನಾರಾಯಣ ಕರದಲ್ಲಿ ಶಂಖ ಚಕ್ರಗಳನ್ನು ಹಿಡಿದು ಕಿರೀಟಧಾರಿಯಾಗಿದ್ದಾನೆ. ಬಲಭಾಗ ನೋಡಿದರೆ ಶಂಕರನು ಮೃಗಚರ್ಮವನ್ನು ತೊಟ್ಟು ರುಂಡ ಮಾಲೆಯನ್ನು ಧರಿಸಿ ತ್ರಿಶೂಲ ಹಿಡಿದು ಜಟಾಧಾರಿಯಾಗಿದ್ದಾನೆ. ಈ ರೀತಿಯಾಗಿ ಕ್ರೋಡ ಮುನಿಯು ಹರಿಹರಾತ್ಮಕವಾದ ಏಕದೇಹಧಾರಿಯಾದ ದೇವರನ್ನು ಕುರಿತು ಸ್ತುತ್ತಿಸಿದರು.
ಈ ಸಂದರ್ಭದಲ್ಲಿ ಬ್ರಹ್ಮದೇವರು ಹೇ ದಯಾನಿಧಿ ! ಜನರಲ್ಲಿರುವ ಅಜ್ಞಾನ, ಸುಜ್ಞಾನ ಪ್ರಾಪ್ತಿರೂಪ ಶ್ರೇಯಸ್ಸಿಗೋಸ್ಕರ ಕ್ರೋಡಾದಿ ಪಂಚಋಷಿಗಳಿಗೆ ನಿನ್ನ ದಿವ್ಯ ಸ್ವರೂಪವನ್ನು ಎಲ್ಲೆಲ್ಲಿ ದರ್ಶನ ಕೊಟ್ಟಿರುವೆಯೋ ಆ ಐದು ಸ್ಥಳಗಳಲ್ಲಿ ನೀನು ಸದಾ ಸನ್ನಿಹಿತವಾಗಿರಬೇಕು ಎಂದರು.
ಪಂಚ ಶಂಕರನಾರಾಯಣ ಯಾತ್ರೆ ಈ ರೀತಿ ಇದೆ.
1. ಈ ಕ್ರೋಡಕ್ಷೇತ್ರ ಕ್ರೋಡ ಶಂಕರನಾರಾಯಣ
2. ಮಚ್ಚಟ್ಟು ಹೊಳೆ ಶಂಕರನಾರಾಯಣ
3. ಆಮಾಸೆಬೈಲು ಮಾಂಡವಿ ಶಂಕರನಾರಾಯಣ
4. ಬೆಳ್ವಿ ಗ್ರಾಮದ ಬೆಳ್ವೆ ಶಂಕರನಾರಾಯಣ
5. ಅವರ್ಸೆ ಗ್ರಾಮದ ಅವರ್ಸೆ ಶಂಕರನಾರಾಯಣ
ಈ ಕ್ರೋಡ ಕ್ಷೇತ್ರದ ಮೂರು ಕಡೆಗಳಲ್ಲಿ ವಾರಾಹಿ ನದಿ ಹರಿಯುತ್ತದೆ. ಈ ದೇವಾಲಯದಲ್ಲಿ ಕಾರ್ತಿಕ ಮಾಸದಲ್ಲಿ ಬರುವ ಎಲ್ಲಾ ಸೋಮವಾರಗಳು ತುಂಬಾ ವಿಶೇಷವಾಗಿರುತ್ತದೆ. ಪ್ರತಿ ಸೋಮವಾರವೂ ಸಾವಿರಾರು ಮಂದಿ ಬಂದು ಪೂಜೆ ನೆರವೇರಿಸಿ ಪ್ರಸಾದ ಸ್ವೀಕರಿಸುತ್ತಾರೆ. ಮಹಾಶಿವರಾತ್ರಿಯಂದು ವಿಶೇಷ ಪೂಜೆ ನೆರವೇರಿಸಿ ಫಲಾಹಾರ, ಪ್ರಸಾದ ವಿತರಣೆ ನಡೆಯುತ್ತದೆ. ಪ್ರತಿ ವರ್ಷವೂ ಜನವರಿ 9 ರಿಂದ 18 ರವರೆಗೆ ಜಾತ್ರೆ ನೆರವೇರುತ್ತದೆ.