ಶ್ರೀ ಗಂಗಾಧರೇಶ್ವರ ಸ್ವಾಮಿ ಮತ್ತು ಹೊನ್ನಾದೇವಿ ದೇವಾಲಯ, ಶಿವಗಂಗೆ, ಬೆಂಗಳೂರು ಗ್ರಾಮಾಂತರ - 562111, ಬೆಂಗಳೂರು ಗ್ರಾಮಾಂತರ .
Sri Gangadhareshwara Swamy and Honnadevi Temple, Shivagange, Bengaluru Rural - 562111, Bengaluru Rural District [TM000051]
×
Temple History
ಇತಿಹಾಸ
ಶ್ರೀ ಶಿವಗಂಗಾ ಕ್ಷೇತ್ರದ ಕಿರು ಪರಿಚಯ
ಈ ಕ್ಷೇತ್ರವು ದಕ್ಷಿಣ ಕಾಶಿ ಕ್ಷೇತ್ರವೆಂದು ಪ್ರಸಿದ್ದವಾಗಿದ್ದು, ಈ ಕ್ಷೇತ್ರಕ್ಕೆ ಭಕ್ತಾಧಿಗಳು ಪ್ರತಿನಿತ್ಯವೂ ದೇವರ ದರ್ಶನಕ್ಕಾಗಿ ಆಗಮಿಸುತ್ತಾರೆ. ಇಲ್ಲಿಗೆ ಬಂದಂತ ಭಕ್ತರು ಕಾಶಿ ಕ್ಷೇತ್ರಕ್ಕಿಂತ ಒಂದು ಗುಲಗಂಜಿ ತೂಕದ ಹೆಚ್ಚಿನ ಪುಣ್ಯ ಪಡೆಯುತ್ತಾರೆಂಬ ನಂಬಿಕೆ ಇದೆ. ಈ ಕ್ಷೇತ್ರವು ಸಮುದ್ರ ಮಟ್ಟದಿಂದ ಸುಮಾರು 2,640,03 ಅಡಿ ಎತ್ತರದಲ್ಲಿದ್ದು, ಈ ಬೆಟ್ಟವು ತಾವರೆ ಹೂವಿನ ಮೇಲೆ ಇದ್ದಂತೆ ಭಾಸವಾಗುತ್ತದೆ. ಈ ಕ್ರೇತ್ರದಲ್ಲಿ ಶ್ರೀ ಗಂಗಾಧರೇಶ್ವರ ಸ್ವಾಮಿ ಯವರ ಮೂಲ ಮೂರ್ತಿಯು ಚರ್ತುಯುಗ ಮೂರ್ತಿಯಾಗಿದ್ದು, (ಶೈತ್ಯಲಿಂಗ) ಗಂಗೆಯಲ್ಲಿ ಉದ್ಭವವಾಗಿರುವುದರಿಂದ ಶಿವನಿಗೆ ಶ್ರೀ ಗಂಗಾಧರೇಶ್ವರಸ್ವಾಮಿ ಎಂದು ಹಾಗೂ ಈ ಕ್ಷೇತ್ರಕ್ಕೆ ಶಿವಗಂಗೆ ಎಂದು ಕರೆಯುತ್ತಾರೆ. ಈ ಕೇತ್ರದಲ್ಲಿ ದಿನನಿತ್ಯವೂ ಶೈವಾಗಮ ರೀತ್ಯಾ ಪೂಜಾ ಕೈಂಕರ್ಯಗಳು ನಡೆಯುತ್ತಿರುತ್ತವೆ.
ಈ ಗಿರಿಯಲ್ಲಿ ನೋಡಬೇಕಾದ ಸ್ಥಳಗಳು ಅನೇಕ...ಶ್ರೀ ಶಿವಗಂಗಾ ಕ್ಷೇತ್ರದ ಕಿರು ಪರಿಚಯ
ಈ ಕ್ಷೇತ್ರವು ದಕ್ಷಿಣ ಕಾಶಿ ಕ್ಷೇತ್ರವೆಂದು ಪ್ರಸಿದ್ದವಾಗಿದ್ದು, ಈ ಕ್ಷೇತ್ರಕ್ಕೆ ಭಕ್ತಾಧಿಗಳು ಪ್ರತಿನಿತ್ಯವೂ ದೇವರ ದರ್ಶನಕ್ಕಾಗಿ ಆಗಮಿಸುತ್ತಾರೆ. ಇಲ್ಲಿಗೆ ಬಂದಂತ ಭಕ್ತರು ಕಾಶಿ ಕ್ಷೇತ್ರಕ್ಕಿಂತ ಒಂದು ಗುಲಗಂಜಿ ತೂಕದ ಹೆಚ್ಚಿನ ಪುಣ್ಯ ಪಡೆಯುತ್ತಾರೆಂಬ ನಂಬಿಕೆ ಇದೆ. ಈ ಕ್ಷೇತ್ರವು ಸಮುದ್ರ ಮಟ್ಟದಿಂದ ಸುಮಾರು 2,640,03 ಅಡಿ ಎತ್ತರದಲ್ಲಿದ್ದು, ಈ ಬೆಟ್ಟವು ತಾವರೆ ಹೂವಿನ ಮೇಲೆ ಇದ್ದಂತೆ ಭಾಸವಾಗುತ್ತದೆ. ಈ ಕ್ರೇತ್ರದಲ್ಲಿ ಶ್ರೀ ಗಂಗಾಧರೇಶ್ವರ ಸ್ವಾಮಿ ಯವರ ಮೂಲ ಮೂರ್ತಿಯು ಚರ್ತುಯುಗ ಮೂರ್ತಿಯಾಗಿದ್ದು, (ಶೈತ್ಯಲಿಂಗ) ಗಂಗೆಯಲ್ಲಿ ಉದ್ಭವವಾಗಿರುವುದರಿಂದ ಶಿವನಿಗೆ ಶ್ರೀ ಗಂಗಾಧರೇಶ್ವರಸ್ವಾಮಿ ಎಂದು ಹಾಗೂ ಈ ಕ್ಷೇತ್ರಕ್ಕೆ ಶಿವಗಂಗೆ ಎಂದು ಕರೆಯುತ್ತಾರೆ. ಈ ಕೇತ್ರದಲ್ಲಿ ದಿನನಿತ್ಯವೂ ಶೈವಾಗಮ ರೀತ್ಯಾ ಪೂಜಾ ಕೈಂಕರ್ಯಗಳು ನಡೆಯುತ್ತಿರುತ್ತವೆ.
ಈ ಗಿರಿಯಲ್ಲಿ ನೋಡಬೇಕಾದ ಸ್ಥಳಗಳು ಅನೇಕ ಇದ್ದು, ಅದರಲ್ಲಿ ಪ್ರಮುಖವಾಗಿ ಶ್ರೀ ಗಂಗಾಧರೇಶ್ವರಸ್ವಾಮಿ ದೇವಾಲಯ, ಹೊನ್ನಾದೇವಿ (ಸ್ವರ್ಣಾಂಭ) ಸನ್ನಿಧಿ, ಕಮಲ ತೀರ್ಥ(ಕಲ್ಯಾಣಿ), ಪಾತಾಳಗಂಗೆ, ಒಳಕಲ್ಲುತೀರ್ಥ, ಗಿರಿಗಂಗಾಧರೇಶ್ವರಸ್ವಾಮಿ ದೇವಾಲಯ, ಸುತ್ತುವಬಸವ, ತೀರ್ಥಗಂಬ, ಉರಿಗಂಬ, ಹಾಗೂ ಶಾಂತಲಾದೇವಿ ಆತ್ಮಾರ್ಪಣೆ ಮಾಡಿಕೊಂಡಿರುವ ಸ್ಥಳವನ್ನು ನೋಡಬಹುದಾಗಿದೆ. ಈ ಕ್ಷೇತ್ರವು ಹೊಯ್ಸಳರ ಕಾಲದಲ್ಲಿ ಹಾಗೂ ಕೆಂಪೇಗೌಡರ ಕಾಲದಲ್ಲಿ ಜೀರ್ಣೋದ್ದಾರಗೊಳಿಸಲಾಗಿದೆ. ಅದಲ್ಲದೆ ಈ ಕ್ಷೇತ್ರದ ಬೆಟ್ಟವನ್ನು ನೋಡಿದಾಗ 4 ದಿಕ್ಕುಗಳಿಂದಲೂ 4 ರೀತಿ ಆಕಾರವಾಗಿ ಕಾಣಿಸುತ್ತದೆ. ಅಂದರೆ ಪೂರ್ವ, ಪಶ್ಚಿಮ, ಉತ್ತರ ದಕ್ಷಿಣ ದಿಕ್ಕುಗಳಿಂದಲೂ, ವೃಷಭಾಕಾರ (ಎತ್ತು), ಸರ್ಪಾಕಾರ(ಹಾವು), ಲಿಂಗುವಿನಾಕಾರ (ಶಿವಲಿಂಗ) ಹಾಗೂ ಗಣೇಶನಾಕಾರದ ರೂಪದಲ್ಲಿ ಕಂಗೊಳಿಸುತ್ತದೆ.
ಹರಕೆಯ ಗಣಪತಿ
ಈ ಕ್ಷೇತ್ರದ ಗಣಪತಿಯನ್ನು ಶ್ರೀ ರಾಮರ ಕಾಲ (ತ್ರೇತಾಯುಗ) ದಲ್ಲಿ ಒಂದೇ ಬಂಡೆಯಲ್ಲಿ ಕೆತ್ತಿರುತ್ತಾರೆ. ಇದಕ್ಕೆ ಪಡೆಕಲ್ಲು ಗಣಪತಿ ಎಂದು ಹಾಗೂ ಹರಕೆ ಗಣಪತಿ ಎಂದು ಕರೆಯುತ್ತಾರೆ. ಈ ಗಣಪತಿಗೆ ತಮ್ಮ ಮನದಾಳದ ಇಷ್ಠಾರ್ಥಗಳನ್ನು ಹರಕೆ ಮಾಡಿಕೊಂಡರೆ ಇಷ್ಠಾರ್ಥ ಸಿದ್ದಿಸುತ್ತದೆ. ಅನೇಕ ಭಕ್ತಾಧಿಗಳು ಇದರಿಂದ ಒಳಿತನ್ನು ಕಂಡುಕೊಂಡಿರುತ್ತಾರೆ ಎಂಬ ನಂಬಿಕೆ ಭಕ್ತಾಧಿಗಳಲ್ಲಿ ಇದೆ.
ಶ್ರೀ ಷಣ್ಮುಖ
ಈ ದೇವರಿಗೆ ಪ್ರತಿ ಮಂಗಳವಾರವೂ ಹಾಗೂ ಷಷ್ಠೀ ದಿವಸ ವಿಶೇಷ ಪೂಜೆ ಸಲ್ಲಿಸುತ್ತಾರೆ. ಈ ದೇವರಿಗೆ 6 ಮುಖಗಳಿದ್ದು, ಮಯೂರ ವಾಹನವಾಗಿದೆ. ಈ ದೇವರಿಗೆ ಪ್ರತಿ ತಿಂಗಳ ಷಷ್ಠಿ ದಿವಸ ಜೇನು ತುಪ್ಪದಿಂದ ಅಭಿಷೇಕ ಮಾಡಿಸಿದರೆ ಮಕ್ಕಳಿಗೆ ಒಳ್ಳೆಯ ವಿದ್ಯಾಭ್ಯಾಸ, ಜ್ಞಾನವು ಲಭಿಸುತ್ತದೆ ಎಂಬ ನಂಬಿಕೆ ಇದೆ.
ಪಾತಾಳಗಂಗೆ
ಈ ಗಂಗೆಯು ಪಾತಾಳದಿಂದ ಉದ್ಬವವಾಗಿದ್ದು, ಈ ಗಂಗೆಗೆ ಪಾತಾಳಗಂಗೆ ಎಂದು ಕರೆಯುತ್ತಾರೆ. ಈ ಗಂಗೆಯು, ಹೊನ್ನಾದೇವಿ ರಕ್ತ ಬೀಜಾಸುರನ ಸಂಹಾರ ಮಾಡಿದ ಸಮಯದಲ್ಲಿ ದೇವಿಗೆ ದಣಿವಾರಿಸಿಕೊಳ್ಳಲು (ನೀರು ಕುಡಿಯಲು) ಕೋಪದಿಂದ ಬಂಡೆಯನ್ನು ಸೀಳಿದಾಗ, ಹುಟ್ಟಿದಂತ ಗಂಗೆಯೇ ಪಾತಾಳಗಂಗೆ. ಇದು ಬೇಸಿಗೆ ಕಾಲದಲ್ಲಿ ಮೇಲೆ ಉಕ್ಕುತ್ತದೆ ಹಾಗೂ ಮಳೆಗಾಲದಲ್ಲಿ ಕ್ಷೀಣಿಸುತ್ತದೆ ಎಂಬದು ಇಲ್ಲಿನ ವಿಶೇಷತೆ.
ಶ್ರೀ ಹೊನ್ನಾದೇವಿ ಅಮ್ಮನವರು
ಈ ದೇವಿಯು ಆದಿ ಪರಾಶಕ್ತಿಯಾಗಿದ್ದು, ಅಷ್ಠ ಭುಜಗಳನ್ನು ಹೊಂದಿರುತ್ತದೆ. ರಕ್ತ ಬೀಜಾಸುರ, ಶುಂಭ, ನಿಶುಂಭರೆಂಬ ಉಪರಾಕ್ಷಸರನ್ನು ಈ ದೇವಿಯು ಸಂಹಾರ ಮಾಡಿದ್ದು, ಸಿಂಹವಾಹಿನಿ ಆಗಿರುತ್ತಾಳೆ. ಈ ದೇವಿಗೆ ಪ್ರತಿ ಹುಣ್ಣಿಮೆ ಮತ್ತು ಅಮಾವಾಸ್ಯೆಯಂದು ವಿಶೇಷವಾಗಿ ಅಭಿಷೇಕ ನಡೆಯುತ್ತದೆ. ರಾಕ್ಷಸರ ಸಂಹಾರವಾದ ಬಳಿಕ ಉಗ್ರವಾಗಿದ್ದು, ಸೌಮ್ಯರೂಪಕ್ಕೆ ಬರಲು ಶ್ರೀ ಶಂಕರಾಚಾರ್ಯರು ಅಮ್ಮನವರ ಜಡೆಯಲ್ಲಿ ಶ್ರೀಚಕ್ರ ಬರೆದು ಅದರಲ್ಲಿ ಓಂಕಾರ ಮತ್ತು ಶ್ರೀಕಾರ ಬರೆದಿರುತ್ತಾರೆ. ಇದರಿಂದ ಅಮ್ಮನವರು ಸೌಮ್ಯರೂಪಕ್ಕೆ ಬಂದಿರುತ್ತಾರೆ. ಇದರಿಂದ ಅಮ್ಮನವರು ಭಕ್ತಾಧಿಗಳಿಗೆ ಸೌಮ್ಯವಾಗಿ ಅವರ ಮನಸ್ಸಿನ ಭಾವನೆಗಳಿಗೆ ತಕ್ಕಂತೆ ದರ್ಶನ ನೀಡಿರುತ್ತಾರೆ. ಈ ದೇವಿಗೆ ಅರಿಶಿನಸೇವೆ ಪ್ರಿಯವಾಗಿದ್ದು, ಭಕ್ತಾಧಿಗಳು ಈ ಸೇವೆಯನ್ನು ಪ್ರತಿ ನಿತ್ಯವು ಮಾಡಿಸುತ್ತಾರೆ ಹಾಗೂ ಇದರಿಂದ ಒಳಿತು ಕಂಡಿರುತ್ತಾರೆ. ಶ್ರೀ ಅಮ್ಮನವರ ರಥೋತ್ಸವನ್ನು ಪ್ರತಿ ವರ್ಷ ಯುಗಾದಿ ಹಬ್ಬದ ಹದಿನೈದು ದಿನಕ್ಕೆ ಸರಿಯಾಗಿ ಅತೀ ವಿಜೃಂಭಣೆಯಿಂದ ನೆರವೇರುವುದು. ಈ ರಥೋತ್ಸವ ಕಾರ್ಯಕ್ರಮದಲ್ಲಿ ಸಹಸ್ರಾರು ಸಂಖ್ಯೆಯಲ್ಲಿ ಭಕ್ತಾಧಿಗಳು ಬಂದು ರಥೋತ್ಸವದಲ್ಲಿ ಭಾಗಿಯಾಗಿ ಅಮ್ಮನವರ ಕೃಪೆಗೆ ಪಾತ್ರರಾಗುತ್ತಿರುತ್ತಾರೆ.
ಶ್ರೀ ಗಂಗಾಧರೇಶ್ವರಸ್ವಾಮಿ
ಈ ಶಿವನು ಕೃತಯುಗ, ತ್ರೇತಾಯುಗ, ದ್ವಾಪರಯುಗ ಹಾಗೂ ಕಲಿಯುಗ ಎಂಬ ನಾಲ್ಕು ಯುಗಗಳಿಂದಲೂ ಶ್ರೀ ಗಂಗಾಧರೇಶ್ವರಸ್ವಾಮಿಯವರನ್ನು ಪೂಜಿಸಲ್ಪಡುತ್ತಿದ್ದು, ಶ್ರೀ ಸ್ವಾಮಿಯವರ ಲಿಂಗವು ಗಂಗೆಯಲ್ಲಿ ಉದ್ಬವವಾಗಿದ್ದು, ಎಡಭಾಗಕ್ಕೆ ಬಾಗಿದ ರೂಪದಲ್ಲಿ ಕಾಣುತ್ತದೆ. ಈ ಸ್ವಾಮಿಗೆ ತೊಡಿಸಿರುವ ಪಾಣಿ ಬಟ್ಟಲನ್ನು ಕಲಿಯುಗದ ಮೊದಲ ಚಕ್ರವರ್ತಿಯಾದ ಪರೀಕ್ಷಿತ ಮಹಾರಾಜನ ಮಗನಾದ ಜನಮೇಜಯ ಎಂಬ ರಾಜನು ತೊಡಿಸಿರುತ್ತಾರೆ. ಈ ಹಿಂದೆ ಕೆಂಪೇಗೌಡರ ಕನಸಿನಲ್ಲಿ ಸ್ವಾಮಿಯವರು ದರ್ಶನ ನೀಡಿ, ಇದೇ ಬೆಟ್ಟದಲ್ಲಿ ಏಳು ಕೊಪ್ಪರಿಗೆ ಹೊನ್ನು ಸಿಗುವುದೆಂದು ಸ್ವಪ್ನವಾಗಿದ್ದು ಇದನ್ನು ತಿಳಿಸಿದ್ದು, ಅದರಂತೆ ಕೆಂಪೇಗೌಡರು ಸ್ವಾಮಿಯ ದರ್ಶನ ಮಾಡಿದಾಗ ಇದೇ ಬೆಟ್ಟದಲ್ಲಿ ಏಳು ಕೊಪ್ಪರಿಗೆ ಹೊನ್ನು ದೊರಕಿದ್ದರಿಂದ ಗುಡಿ ಗೋಪುರಗಳನ್ನು ಅವರ ಕಾಲದಲ್ಲಿ ಜೀರ್ಣೋದ್ದಾರಗೊಳಿಸಿರುತ್ತಾರೆ. ಶ್ರೀ ಗಂಗಾಧರೇಶ್ವರಸ್ವಾಮಿಯ ವಿಶೇಷವೇನೆಂದರೆ ಸ್ವಾಮಿಯವರಿಗೆ ಪ್ರತಿನಿತ್ಯವೂ ಬೆಳಿಗ್ಗೆಯಿಂದ ಸಂಜೆಯವರೆವಿಗೂ ಅಭಿಷೇಕ ನಡೆಯುತ್ತಿರುತ್ತದೆ. ಸ್ವಾಮಿಯವರಿಗೆ ತುಪ್ಪವನ್ನು (ಆಜ್ಯ) ಲೇಪನ ಮಾಡಿದರೆ ಅದು ಬೆಣ್ಣೆಯಾಗಿ (ನವನೀತ) ಮಾರ್ಪಡುತ್ತದೆ. ಇಂಥ ಅದ್ಭುತ ವಿಶೇಷತೆ ಮತ್ತೆಲ್ಲೂ ಕಾಣಲಾರದು ಎಂಬುದು ನಂಬಿಕೆ. ಈ ಬೆಣ್ಣೆಯನ್ನು ಭಕ್ತಾಧಿಗಳು ಕಣ್ಣಿಗೆ, ಶಿರಸ್ಸಿಗೆ ಹಚ್ಚಿ, ಹೊಟ್ಟೆಗೆ ಸೇವನೆ ಮಾಡಿದರೆ ಒಳ್ಳೆಯ ಜ್ಞಾನಾರ್ಜನೆಯು ಹಾಗೂ ಇಷ್ಠಾರ್ಥಗಳು ಲಭಿಸುತ್ತದೆ ಎಂಬ ನಂಬಿಕೆ ಇದೆ. ಇದಲ್ಲದೆ ಈ ಸ್ವಾಮಿಗೆ ತಮ್ಮ ಮನೆಯಿಂದ ಬೆಣ್ಣೆ ಕಾಯಿಸಿದ ತುಪ್ಪವನ್ನು ತಂದು ಅಭಿಷೇಕ ಮಾಡಿಸಿದರೆ ಅದೂ ಕೂಡ ಬೆಣ್ಣೆಯಾಗಿ ಮಾರ್ಪಡುತ್ತದೆ. ಈ ದೇವಾಲಯವು ಗುಹಾಂತರ ದೇವಾಲಯವಾಗಿದ್ದು, ಒಂದೇ ಬಂಡೆಯ ಒಳಗೆ ಇದೆ. ಈ ದೇವಾಲಯದಲ್ಲಿ ಜಕಣಾಚಾರಿ ಕೆತ್ತಿರುವ ಗಣಪತಿ ಹಾಗೂ ವೃಷಭ (ಬಸವಣ್ಣ) ಮೂರ್ತಿಗಳಿವೆ. ಇಲ್ಲಿ ಕೆಂಪೇಗೌಡರ ಖಜಾನೆ ಮತ್ತು ಬೆಂಗಳೂರಿಗೆ ಕೆಂಪೇಗೌಡರ ಸುರಂಗ ಮಾರ್ಗವಿತ್ತೆಂಬುದು ಗೋಚರವಾಗುತ್ತದೆ ಹಾಗೂ 2 ಕಂಚಿನ ಕಂಬ ಮತ್ತು ಪಾರ್ವತಿ ಅಮ್ಮನವರ ಸನ್ನಿಧಾನಗಳಿವೆ. ಈ ದೇವಾಲಯಕ್ಕೆ ಪ್ರತಿನಿತ್ಯವೂ ಸಾವಿರಾರು ಭಕ್ತಾಧಿಗಳು ಸ್ವಾಮಿಯವರ ದರ್ಶನ ಪಡೆದು ಧನ್ಯರಾಗುತ್ತಾರೆ ಹಾಗೂ ಪ್ರತಿ ಮಕರ ಸಂಕ್ರಾಂತಿಯಂದು ಗಿರಿಯ ಮೇಲೆ(ಬೆಟ್ಟದಮೇಲೆ) ತೀರ್ಥಕಂಬದ ಬಳಿ, ಉತ್ತರಾಯಣ ಪುಣ್ಯ ಕಾಲದಲ್ಲಿ ಗಂಗೋತ್ಪತ್ತಿಯಾಗುತ್ತದೆ. ಆ ಗಂಗೆಯನ್ನು ತಂದು ಗಂಗಾಧರೇಶ್ವರಸ್ವಾಮಿ ಮತ್ತು ಪಾರ್ವತಮ್ಮನವರಿಗೆ ಗಿರಿಜಾ ಕಲ್ಯಾಣೋತ್ಸವವು ಅತಿ ವಿಜೃಂಭಣೆಯಿಂದ ನಡೆಯುತ್ತದೆ. ಈ ಕಲ್ಯಾಣೋತ್ಸವ ಕಾರ್ಯಕ್ರಮದಲ್ಲಿ ರಾಜ್ಯದ ವಿವಿಧ ಜಿಲ್ಲೆಗಳಿಂದ ಸಹಸ್ರಾರು ಸಂಖ್ಯೆಯಲ್ಲಿ ಭಕ್ತಾಧಿಗಳು ಬಂದು ಭಾಗಿಯಾಗುತ್ತಾರೆ. ಗಿರಿಜಾ ಕಲ್ಯಾಣೋತ್ಸವ ಸಮಯದಲ್ಲಿ ಬಂದಂತಹ ಭಕ್ತಾಧಿಗಳು ಜೀರಿಗೆ ಮತ್ತು ಬೆಲ್ಲವನ್ನು ಪ್ರಸಾದದ ರೂಪದಲ್ಲಿ ಪಡೆಯುವುದು ವಾಡಿಕೆಯಾಗಿರುತ್ತದೆ. ಇದರಿಂದ ವಿವಾಹವಾಗದೇ ಇರುವವರಿಗೆ ಶೀಘ್ರವಾಗಿ (ವಿವಾಹ ಭಾಗ್ಯ) ಕಲ್ಯಾಣವಾಗುತ್ತದೆ ಎಂಬ ಪ್ರತೀತಿ ಇದೆ. ಈ ಕ್ರೇತ್ರದಲ್ಲಿ ಫಾಲ್ಗುಣ ಮಾಸದ, ಮಖಾ ನಕ್ಷತ್ರದಲ್ಲಿ ವಸಂತ ರಥೋತ್ಸವವು ನಡೆಯುತ್ತದೆ ಇದು ಈ ದೇವಾಲಯ ಐತಿಹಾಸಿಕ ಹಿನ್ನೆಲೆಯಾಗಿದೆ.