ಶ್ರೀ ಸುಗೂರೇಶ್ವರಸ್ವಾಮಿ ದೇವಸ್ಥಾನ, ದೇವಸೂಗೂರು, ರಾಯಚೂರು - 584170, ರಾಯಚೂರು .
Sri Sugureshwara Swamy Temple, Devasuguru, Raichur - 584170, Raichur District [TM000077]
×
Temple History
ಸಾಹಿತ್ಯದ ಹಿನ್ನೆಲೆ
| ಓಂ, ಶ್ರೀಗುರು ಪ್ರಸನ್ನಃ ||
|| ಶ್ರೀ ಸೂಗೂರೇಶ್ವರಾಯ ನಮಃ ||
|| ಶ್ರೀಮಾತಾ ನಾಗರ ಎಲ್ಲಮ್ಮದೇವಿಯೇ ನಮಃ ||
|| ಶ್ರೀ ಸೂಗೂರೇಶ್ವರ ಸ್ವಾಮಿಯ ಲೀಲಾವತಾರ ||
|| ಪರಮೇಶ್ವರನಾಣತಿಯಂತೆ | ಪಾರ್ವತಮಾತೆಯ ||
|| ಆಜ್ಞೆಯಂಪಾಲಿಸಲ್ಕೆ | ಶ್ರೀ ವೀರಭದ್ರ ದೇವರು ||
|| ಶ್ರೀಶೈಲದಲ್ಲವತರಿಸಿ | ಕಾಶ್ಮೀರದೊಳನುಗ್ರಹಿಸಿ ||
|| ಕಲ್ಯಾಣಕ್ಕಾಗಮಿಸಿ | ಗಬ್ಬೂರಿನೋಳು ನೆಲಸಿ ||
|| ಸೂಗೂರು ಸುಕ್ಷೇತ್ರದೊಳು ಸ್ಥಿರವಾಗಿರ್ದು ||
|| ನಂಬಿದ ಭಕ್ತರನು ಸಲಹುವರು ನೋಡ ||
|| ಶ್ರೀ ಸೂಗೂರೇಶ್ವರ ದರುಶನ ಲಿಂಗವೆ ||
ಬೌಗೋಳಿಕ ಭವ್ಯತೆ:- ಜಗತ್ಜ್ಜನನಿಯ ಲೀಲಾಜಾಲದ ಪಂಚ ಮಹಾ ಭೂತಗಳೊಳು ಜಡಚೇತನವಾದದ್ದು ಭೂಮಂಡಲ. ಭೂಮಂಡಲದೊಳು ಆಧ್ಯಾತ್ಮ ಚಿಂತನೆಯಲ್ಲಿ ಅತ್ಯುನ್ನತ ಸಾಧನೆಗೈದು ವೇದಾಗಮೋಪನಿಷತ್ಗಳಿಂದ ಜಗತ್ಪ್ರಸಿದ್ಧಿ ಪಡೆದದ್ದು ಭಾರತ ದೇಶ ಮಾತ್ರ. ಭಾರತಾಂಬೆಯ ಕಂದಮ್ಮರಲ್ಲಿ ಕನ್ನಡಿಯಂತೆ...| ಓಂ, ಶ್ರೀಗುರು ಪ್ರಸನ್ನಃ ||
|| ಶ್ರೀ ಸೂಗೂರೇಶ್ವರಾಯ ನಮಃ ||
|| ಶ್ರೀಮಾತಾ ನಾಗರ ಎಲ್ಲಮ್ಮದೇವಿಯೇ ನಮಃ ||
|| ಶ್ರೀ ಸೂಗೂರೇಶ್ವರ ಸ್ವಾಮಿಯ ಲೀಲಾವತಾರ ||
|| ಪರಮೇಶ್ವರನಾಣತಿಯಂತೆ | ಪಾರ್ವತಮಾತೆಯ ||
|| ಆಜ್ಞೆಯಂಪಾಲಿಸಲ್ಕೆ | ಶ್ರೀ ವೀರಭದ್ರ ದೇವರು ||
|| ಶ್ರೀಶೈಲದಲ್ಲವತರಿಸಿ | ಕಾಶ್ಮೀರದೊಳನುಗ್ರಹಿಸಿ ||
|| ಕಲ್ಯಾಣಕ್ಕಾಗಮಿಸಿ | ಗಬ್ಬೂರಿನೋಳು ನೆಲಸಿ ||
|| ಸೂಗೂರು ಸುಕ್ಷೇತ್ರದೊಳು ಸ್ಥಿರವಾಗಿರ್ದು ||
|| ನಂಬಿದ ಭಕ್ತರನು ಸಲಹುವರು ನೋಡ ||
|| ಶ್ರೀ ಸೂಗೂರೇಶ್ವರ ದರುಶನ ಲಿಂಗವೆ ||
ಬೌಗೋಳಿಕ ಭವ್ಯತೆ:- ಜಗತ್ಜ್ಜನನಿಯ ಲೀಲಾಜಾಲದ ಪಂಚ ಮಹಾ ಭೂತಗಳೊಳು ಜಡಚೇತನವಾದದ್ದು ಭೂಮಂಡಲ. ಭೂಮಂಡಲದೊಳು ಆಧ್ಯಾತ್ಮ ಚಿಂತನೆಯಲ್ಲಿ ಅತ್ಯುನ್ನತ ಸಾಧನೆಗೈದು ವೇದಾಗಮೋಪನಿಷತ್ಗಳಿಂದ ಜಗತ್ಪ್ರಸಿದ್ಧಿ ಪಡೆದದ್ದು ಭಾರತ ದೇಶ ಮಾತ್ರ. ಭಾರತಾಂಬೆಯ ಕಂದಮ್ಮರಲ್ಲಿ ಕನ್ನಡಿಯಂತೆ ಕಂಗೊಳಿಸುವಾಕೆ ಕನ್ನಡಾಂಬೆ. ಕನ್ನಡಾಂಬೆಯ ಕಣ್ಮಣಿ ಕುವರಿಯರಾದ ಭೀಮೆ/ಕೃಷ್ಣೆ ಸಗರನಾಡಿನ ಮಡಿಲ ಮಡಿಮಾಡಿ, ಮಾನವರ ಮಲಿನವ ತೊಳೆದು ತೃಷೆಯ ನೀಗಿಸಲು ಧಾರಾಕಾರವಾಗಿ ಹರಿದು, ಸಂಗಮ ತೀರದಲ್ಲಿ ಒಗ್ಗೂಡಿ ಬರುತ್ತಿರುವ ಪವಿತ್ರಗಂಗೆಯ ತೀರ್ಥದಿಂದ ಪಾವನವಾದದ್ದು, ದೊಡ್ಡಸೂಗೂರು ಗ್ರಾಮ. ಗ್ರಾಮದ ಅಧಿದೇವತೆ ಶ್ರೀಮಾತಾನಾಗರ ಎಲ್ಲಮ್ಮದೇವಿ. ಆರಾಧ್ಯದೈವ ಶ್ರೀ ಸೂಗೂರೇಶ್ವರ ಸ್ವಾಮಿ.
ಪೀಠಿಕೆ:-ಜನ್ಮ ಜನ್ಮಾಂತರಗಳ ಪ್ರದೀಪಿಕೆಯಲ್ಲಿ, ಪ್ರಣಮ ಪಂಚಾಕ್ಷರ ಮಾಲಿಕೆ ಯೊಂದಿಗೆ ಉತ್ತುಂಗ ಶಿಖರಕ್ಕೇರಿದ ಶಿವಯೋಗ ಸಾಧನೆಯಲ್ಲಿ ಸನಾತನ ಧಾರ್ಮಿಕ ಗ್ರಂಥವೆಂದರೆ “ಸಿದ್ಧಾಂತ ಶಿಖಾಮಣಿ” ಮಾತ್ರ. ಈ ಗ್ರಂಥದ ಧೇಯವೇ ಮಾನವ ಜನುಮ ಜೀವನ್ಮುಕ್ತಿಗೆ ಮೀಸಲು. ಅಣುರೇಣು ತೃಣಕಾಷ್ಠಗಳಲ್ಲಿ ದೈವೀ ಸ್ವರೂಪವನ್ನು ಕಾಣುವ, ಸಕಲ ಚರಾಚರ ಜೀವಿಗಳಿಗೆ ಲೇಸನ್ನೇ ಬಯಸುವ “ಮಾನವ ಧರ್ಮಕ್ಕೆ ಜಯವಾಗಲಿ, ಧರ್ಮದಿಂದಲೆ ವಿಶ್ವಕ್ಕೆ ಶಾಂತಿ ಎಂಬುದು ಆದಿರೇಣುಕಾದಿ ಪಂಚಾಚಾರ್ಯರ ಘೋಷಣೆಯಾಗಿದೆ.
ಮಾನವ ಜನ್ಮ ಜೀವನ್ಮುಕ್ತಿಗಾಗಿ ಶೋಧಮಾಡಿದ ಮಾರ್ಗಗಳ ಕುರಿತು, ಋಷಿ-ಮುನಿಗಳು, ಯೋಗ ಸಾಧಕರು, ಶ್ರೀಗುರು ಶಿವಾಚಾರ್ಯರಿಂದ ಪಾಧಾನ್ಯತೆ ಪಡೆದು, ಭಾರತ ಮಾತೆಯ ಮಡಿಲಲ್ಲಿ ಉಯ್ಯಾಲೆಯಾಡುತ್ತಾ, ಮಾನವ ಧರ್ಮವನ್ನು ದೇಶದ ದಕ್ಷಿಣೋತ್ತರಗಳಲ್ಲಿ ಭಿತ್ತರಿಸಿದ ಅನೇಕಾನೇಕ ಮಹಿಮಾತ್ಮರಲ್ಲಿ, ಶ್ರೀ ಚನ್ನವೀರಶಿವಾಚಾರ್ಯ ಗುರುವರರೂ ಒಬ್ಬರು. ಪೂರ್ವಕಾಲದಿಂದ ಪರ್ವಕಾಲದ ಇಂದಿನ ಜನಮಾನಸದಲ್ಲಿ ಇವರ ಲೀಲೆ ನಿತ್ಯಸತ್ಯ ಸಾಕ್ಷಿಯಾಗಿ ಜನಾಧರಣೀಯವಾಗಿವೆ.
ಮಾನವತ್ವವನ್ನು ಮೈಗೂಡಿಸಿಕೊಂಡು ದೈವೀಪರಂಪರೆಯಿಂದ ಪುನೀತರಾದ, ಶ್ರೀ ಆನಂದ ರಾಚಯ್ಯ ಮತ್ತು ಕೆಂಚವೀರಯ್ಯ ಜಂಗಮ ಸಹೋದರರ, ಇಷ್ಠಲಿಂಗ ಪೂಜಾ ನಿಷ್ಠೆಯ ಶ್ರೇಷ್ಠತೆಯನ್ನರಿತು, ಶ್ರೀ ಚನ್ನವೀರ ಗುರುವರರು. ಮಹಿಷ-ಬಸವನ ಬಂಡಿಯನ್ನೇರಿ ಗಬ್ಬೂರಿನಿಂದಾಗಮಿಸಿ, ಶ್ರೀಮಾತಾ ನಾಗರ ಎಲ್ಲಮ್ಮ ದೇವಿಯ ಸ್ಥಾನದೊಳು ಸ್ಥಿರವಾಗಿ ನೆಲೆಸಿಹರು. ಅಂದಿನಿಂದ ದೊಡ್ಡಸೂಗೂರು ಗ್ರಾಮ, ದೇವಸೂಗೂರಾಗಿ, ಶ್ರೀಗುರು ಚನ್ನವೀರ ಗುರುವರರು, ಶ್ರೀ ಸೂಗೂರೇಶ್ವರ ಸ್ವಾಮಿಯೆಂದು ನಾಮ ಪರಿವರ್ತನೆಯಾಯಿತು. ಉಭಯ ದೇವರ ದಿವ್ಯ ಚೇತನ ಶಕ್ತಿಯಿಂದ ಧರೆಯ ಬೆಳಗುವ ಜ್ಯೋತಿಯಾಗಿ ಶಕ್ತಿನಗರವೆಂದು ಪ್ರಖ್ಯಾತಿ ಪಡೆದು. ಭೂಮಂಡಲದೊಳು ಅಖಂಡವಾಗಿ ಬೆಳಗುತ್ತಲಿರುವದು. (800 ವರುಷಗಳ ಐತಿಹಾಸಿಕ ಪುಣ್ಯ ತಾಣವಾಗಿದೆ.)
ಹಿನ್ನೆಲೆ:- ಸೃಷ್ಠಿ, ಸ್ಥಿತಿ, ಲಯ ಗಳಿಗೆ ಕಾರಣೀಭೂತರಾದ ಶಿವ-ಶಕ್ತಿಯರ ಅಪೇಕ್ಷೆಯಂತೆ, ಶ್ರೀ ವೀರಭದ್ರ ದೇವರ ಚಿದ್ಘನಾಂಶವು, ಶ್ರೀ ಚನ್ನವೀರ ಶಿವಾಚಾರ್ಯ ಗುರುವರರಾಗಿ, ಶ್ರೀಶೈಲ ಕ್ಷೇತ್ರದಲ್ಲಿ ಅವತರಿಸಿಹರು. ಇವರಲ್ಲಿದ್ದ ಆಧ್ಯಾತ್ಮ ಚಿಂತನೆಯ ಮಾನವ ಧರ್ಮದ ಬೋಧನೆಯು ಉತ್ತರ ಭಾರತದ ಕಾಶ್ಮೀರ ದೇಶಕ್ಕೂ ಹಬ್ಬಿತ್ತು. ಕಾಶ್ಮೀರ ದೇಶದ ಮಹದೇವ ಭೂಪಾಲರಸರ ರಾಜ್ಯದ ಗುರುವರರಾಗಿ, ಅಲ್ಲಿರುವ 6000 ಜಂಗಮರಿಗೆ ಕ್ರಿಯಾಮೂರ್ತಿಯಾಗಿ, ಪಂಚಾಚಾರ, ಷಟ್ಸ್ಥಲ, ಶಿವಯೋಗ ಸಾಧನೆ, ಅಣಿಮಾದಿ ಅಷ್ಟಸಿದ್ಧಿಗಳನ್ನು ಬೋಧಿಸುತ್ತಿದ್ದರು. ಎಂಬುದು ಸ್ಥಳಪುರಾಣ ಪುಣ್ಯ ಕಥನ ಗಳಿಂದ ಹಾಗು ಲೀಲಾವತಾರದ ಹಾಡುಗಳಿಂದ ಸಾಕ್ಷೀಭೂತವಾಗಿ ತಿಳಿದುಬರುತ್ತದೆ.
ಇತ್ತ ದಕ್ಷಿಣ ಭಾರತದಲ್ಲಿ ನಂದಿಯು ಬಸವಣ್ಣನಾಗಿ ಅವತರಿಸಿ, ಕಲ್ಯಾಣ ನಗರದಲ್ಲಿ ನೆಲೆಸಿ, 1,96,000 ಸಾವಿರ ಜಂಗಮರ ಸಾಮೂಹಿಕ ಶಿವಲಿಂಗ ಪೂಜೆ ಪ್ರಸಾದದ ಮಹಾ ಯಾಗವನ್ನ ಹಮ್ಮಿಕೊಂಡಿದ್ದರು. ಅದಕ್ಕೆ ಕಾಶ್ಮೀರದಲ್ಲಿರುವ 6000 ಜಂಗಮರನ್ನು ಕರೆತರಲು, ಕೂಡಲ ಸಂಗಮ ದೇವರು ಸ್ವಪ್ನದಲ್ಲಿ ಸೂಚಿಸಿದಂತೆ, ಗಂಗಾಂಬಿಕೆ/ ನೀಲಾಂಬಿಕೆಯರು ತಯ್ಯಾರಿಸಿದ ಮೊಸರನ್ನಬಾನ ಬುತ್ತಿ ಕಟ್ಟಿಕೊಂಡು, ಬಸವಣ್ಣನವರು ಕೋರಿಶೆಟ್ಟಿ ವೇಷ ಧರಿಸಿ, ಕಾಶ್ಮೀರ ದೇಶಕ್ಕೆ ಹೊರಡುತ್ತಾರೆ.
ಬಸವಣ್ಣನವರು ಕಾಶ್ಮೀರ ದೇಶಕ್ಕಾಗಮಿಸಿ, ಶ್ರೀ ಚನ್ನವೀರ ಶಿವಾಚಾರ್ಯ ಗುರುವರರ ಸಮ್ಮುಖದಲ್ಲಿ ಕುಶಲೋಪಚಾರದ ನಂತರ, 6000 ಜಂಗಮರನ್ನು ಕರೆದುಕೊಂಡು ಹೋಗಲು ಭಿನ್ನಃವನ್ನರ್ಪಿಸುತ್ತಾರೆ. ಇದಕ್ಕೆ ರಾಜರು ಮನ್ನಿಸಲಾರರು ಎಂಬುದನ್ನರಿತು, ಶ್ರೀ ಚನ್ನವೀರ ಗುರುವರರು ಉಪಾಯ ಹೂಡುತ್ತಾರೆ.