Screen Reader Access                 A-  A  A+ 
ಶ್ರೀ ಅನಂತಪದ್ಮನಾಭ ದೇವಾಲಯ, ಪೆರ್ಡೂರು, ಉಡುಪಿ, ಉಡುಪಿ .
Sri Ananthapadmanabha Temple, Perdoor, Udupi, Udupi District [TM000162]
×
Temple History

ಇತಿಹಾಸ

ಬಾಳೆಹಣ್ಣಿನ ಸೇವೆ ವಿಶಿಷ್ಟವಾದದ್ದಾಗಿದೆ. ಇದಕ್ಕೆ ಒಂದು ಇತಿಹಾಸವೂ ಇದೆ. ಕೃಷ್ಣ ಶರ್ಮನೆಂಬ ಬ್ರಾಹ್ಮಣನು ದೇವರ ವಿಗ್ರಹ ಕೆತ್ತಿಸುವ ಸಲುವಾಗಿ ಅದಕ್ಕೆ ತಕ್ಕುದಾದ ಶಿಲೆಯನ್ನು ಶಿಷ್ಯರ ಸಹಾಯದಿಂದ ತರುತ್ತಿರುವಾಗ ಅದೇ ದಾರಿಯಲ್ಲಿ ಬಾಳೆಹಣ್ಣುಗಳನ್ನು ಮಾರಲು ವೈಷ್ಯನೊಬ್ಬ ವೇಗವಾಗಿ ಇವರನ್ನು ದಾಟಿ ಮುಂದೆ ನಡೆಯುತ್ತಾನೆ. ಆದರೆ ಹಣ್ಣಿನ ಬಾರ ಇದ್ದಕ್ಕಿದ್ದಂತೆ ಹೆಚ್ಚಾಗಿ ಆತ ಅಲ್ಲೇ ಕುಸಿದುಬೀಳುತ್ತಾನೆ. ಇದಕ್ಕೆ ಕಾರಣವೇನೆಂದು ಕೃಷ್ಣ ಶರ್ಮರನ್ನು ಕೇಳಿದಾಗ ಅದು ಶಿಲೆಯ ಮಹತ್ವವೇ ಇರಬೇಕೆಂದು ಹೇಳಿ ಅಷ್ಟು ಬಾಳೆಹಣ್ಣನ್ನು ಶಿಲೆಗೆ ಸಮರ್ಪಣೆ ಮಾಡಿ ನಮಸ್ಕರಿಸುವಂತೆ ತಿಳಿಸುತ್ತಾನೆ. ವೈಷ್ಯನು ಅದೇ ರೀತಿ ಮಾಡುತ್ತಾನೆ. ಹೀಗೆ ವಿಗ್ರಹವಾಗಿ ರೂಪಗೊಳ್ಳುವುದಕ್ಕೆ ಮೊದಲೇ ಶಿಲೆ ತನ್ನ ಪ್ರಭಾವವನ್ನು ಹಣ್ಣು ಸ್ವೀಕರಿಸುವ ಮೂಲಕ ಪ್ರಕಟಪಡಿಸಿರುವುದರಿಂದ ಈ ದೇವಸ್ಥಾನದಲ್ಲಿ ಎಲ್ಲಾ ಸೇವೆಗಳಿಗಿಂತ ಬಾಳೆಹಣ್ಣು ಸಮರ್ಪಣಾ ಸೇವೆಯು ಪ್ರಾಧಾನ್ಯ ಪಡೆದಿದೆ.

ಸ್ಥಳ ಪುರಾಣ

ಶ್ರೀ ಅನಂತಪದ್ಮನಾಭ ದೇವಸ್ಥಾನ ಪೆರ್ಡೂರು ಈ ದೇವಸ್ಥಾನವು 11ನೇ ಶತಮಾನದ್ದಾಗಿದ್ದು, ಸುಮಾರು 800 ವರ್ಷ ಪುರಾತನವಾದದ್ದಾಗಿದೆ. ಶ್ರೀ ದೇವಳವು ಉಡುಪಿ ಜಿಲ್ಲೆ ಮತ್ತು ಉಡುಪಿ ತಾಲೂಕಿನ ಪೆರ್ಡೂರು ಗ್ರಾಮದ ನಗರದ ವಿಶಾಲವಾದ ರಥಬೀದಿ ಮಧ್ಯದಲ್ಲಿ ಇದೆ. ಶ್ರೀ ದೇವರಿಗೆ ಬಾಳೆಹಣ್ಣು ಸಮರ್ಪಣೆ ಎಲ್ಲಾ ಸೇವೆಗಳಿಗಿಂತ ಹೆಚ್ಚಿನ ಪ್ರಾಧಾನ್ಯವುಳ್ಳದ್ದಾಗಿದೆ ಏಂಬುದಕ್ಕೆ ಒಂದು ಐತಿಹ್ಯವಿದೆ. ಕೃಷ್ಣ ಶರ್ಮಾ ಎಂಬ ಬ್ರಾಹ್ಮಣ ನಿತ್ಯವೂ ಉಡುಪಿಯ ಅನಂತೇಶ್ವರ ದೇವರ ದರ್ಶನಕ್ಕೆ ಕಾಲ್ನಡಿಗೆಯಲ್ಲಿ ಹೋಗುತ್ತಿದ್ದನಂತೆ, ಮುಪ್ಪಿನ ಕಾಲದಲ್ಲಿ ಕಷ್ಟವಾದಾಗ, ಒಂದು ದಿನ ದೇವರು ಕನಸಿನಲ್ಲಿ ಬಂದು ಸೂಚನೆಯನ್ನು ಕೊಡುತ್ತಾನೆ. ʼಸಾಕ್ಷಾತ್ ಭಗವಂತನೇ ಆಜ್ಞೆಯನ್ನು ಮಾಡುತ್ತ, ತನ್ನ ವಿಗ್ರಹವನ್ನು ಪ್ರತಿಷ್ಠೆ ಮಾಡಲು ಸೂಚನೆಯನ್ನು ಕೊಟ್ಟʼ ಎಂದು ನಿದ್ರೆಯಿಎಂದ ಎದ್ದ ವಿಪ್ರನು ಭಗವಂತನನ್ನು ನೆನೆಯುತ್ತಾ ಕೃತಾರ್ಥನಾದೆ ಸ್ವಾಮಿ ಎಂದ. ಹೀಗೆ ಕನಸಿನ...

ಸಾಹಿತ್ಯದ ಹಿನ್ನೆಲೆ

ಪೆರುಂಡ ಊರ ಪದ್ಮನಾಭನ ಮಹಿಮೆಯನು ಕೇಳಿರಯ್ಯ ಕೇಳಿರಯ್ಯ ಕದಳಿಪ್ರಿಯನ ಕ್ಷೇತ್ರದ ಹಿರಿಮೆಯನು ಪೊಗಳಿರಯ್ಯ ಪೊಗಳಿರಯ್ಯ |ಪ|| ಶಯನಸ್ಥ ವಿಪ್ರಂಗೆ ಬಿತ್ತೊಂದು ಕನಸು ಸುಶಬ್ಧ ವಾಣಿಂದೆ ಮಾಡಂತು ನನಸು ಕರ ಮುಗಿದು ನೆನೆದ ಆ ಕೃಷ್ಣ ಶರ್ಮಾ ಸಾರ್ಥಕವು ಎಂದೆಂದ ಈ ನನ್ನ ಜನ್ಮ. ||1|| ಸ್ವಪ್ನದಲ್ಕಂಡಂತ ವಿಷಯವನ್ನರುಹಿ ಶಿಷ್ಯರನ್ನೊಡಗೂಡಿ ವಿಗ್ರಹಕೆ ಅರಸಿ ವಾಣಿಯಂದಾರಿಯಲಿ ಶಿಲೆಯೊಂದು ಸಿಗಲು ಭಕ್ತಿಯಿಂದ್ ಬಂದವರು ಕೊಟ್ಟರು ಹೆಗಲು. ...