ಶ್ರೀ ಲಕ್ಷ್ಮೀಜನಾರ್ದನ ದೇವಸ್ಥಾನ ಎಳ್ಳಾರೆ, ಉಡುಪಿ - 574108, ಉಡುಪಿ .
Sri Lakshmi Janardana Temple Yellare, Udupi - 574108, Udupi District [TM000209]
×
Temple History
ಇತಿಹಾಸ
ಪರುಶುರಾಮ ಸೃಷ್ಟಿಯ ಪುಣ್ಯ ಮಣ್ಣಿನಲ್ಲಿ ನಾವು ಅನೇಕ ವಿಶಿಷ್ಟ ಕಾರಣಿಕ ಧಾರ್ಮಿಕ ಶೃದ್ಧಾ ಕೇಂದ್ರಗಳನ್ನು ನೋಡಿದ್ದೇವೆ. ಅಂತಹ ಕಾರಣಿಕ ಕ್ಷೇತ್ರಗಳಲ್ಲಿ ಕಾರ್ಕಳ ತಾಲೂಕಿನ ಎಳ್ಳಾರೆ ಗ್ರಾಮದಲ್ಲಿರುವ ಎರಡನೇ ವೈಕುಂಠ ಖ್ಯಾತಿಯ ಶ್ರೀ ಕ್ಷೇತ್ರ ಇರ್ವತ್ತೂರು ಶ್ರೀ ಲಕ್ಷ್ಮೀ ಜನಾರ್ದನ ದೇವಸ್ಥಾನವು ಒಂದು .ಇಲ್ಲಿ ಪ್ರಧಾನ ದೇವರಾಗಿ ಶ್ರೀ ಲಕ್ಷ್ಮೀ ಜನಾರ್ದನ ದೇವರು ಹಾಗೂ ಪರಿವಾರ ದೇವರಾಗಿ ಶ್ರೀ ಮಹಾಗಣಪತಿ ಹಾಗೂ ಶ್ರೀ ಜಲದುರ್ಗೆ ಮತ್ತು ಪರಿವಾರ ದೈವಗಳಿದ್ದು ನಿತ್ಯ ತ್ರಿಕಾಲ ಪೂಜೆ ಮತ್ತು ನೈವೇದ್ಯವನ್ನು ಸದ್ಭಕ್ತರಿಂದ ಸ್ವೀಕರಿಸಿ ಪ್ರಸನ್ನತೆ ಪಡೆದು ಸದ್ಬಕ್ತರಿಗೆ ಅನುಗ್ರಹಿಸುತ್ತಿದ್ದಾರೆ.
...ಪರುಶುರಾಮ ಸೃಷ್ಟಿಯ ಪುಣ್ಯ ಮಣ್ಣಿನಲ್ಲಿ ನಾವು ಅನೇಕ ವಿಶಿಷ್ಟ ಕಾರಣಿಕ ಧಾರ್ಮಿಕ ಶೃದ್ಧಾ ಕೇಂದ್ರಗಳನ್ನು ನೋಡಿದ್ದೇವೆ. ಅಂತಹ ಕಾರಣಿಕ ಕ್ಷೇತ್ರಗಳಲ್ಲಿ ಕಾರ್ಕಳ ತಾಲೂಕಿನ ಎಳ್ಳಾರೆ ಗ್ರಾಮದಲ್ಲಿರುವ ಎರಡನೇ ವೈಕುಂಠ ಖ್ಯಾತಿಯ ಶ್ರೀ ಕ್ಷೇತ್ರ ಇರ್ವತ್ತೂರು ಶ್ರೀ ಲಕ್ಷ್ಮೀ ಜನಾರ್ದನ ದೇವಸ್ಥಾನವು ಒಂದು .ಇಲ್ಲಿ ಪ್ರಧಾನ ದೇವರಾಗಿ ಶ್ರೀ ಲಕ್ಷ್ಮೀ ಜನಾರ್ದನ ದೇವರು ಹಾಗೂ ಪರಿವಾರ ದೇವರಾಗಿ ಶ್ರೀ ಮಹಾಗಣಪತಿ ಹಾಗೂ ಶ್ರೀ ಜಲದುರ್ಗೆ ಮತ್ತು ಪರಿವಾರ ದೈವಗಳಿದ್ದು ನಿತ್ಯ ತ್ರಿಕಾಲ ಪೂಜೆ ಮತ್ತು ನೈವೇದ್ಯವನ್ನು ಸದ್ಭಕ್ತರಿಂದ ಸ್ವೀಕರಿಸಿ ಪ್ರಸನ್ನತೆ ಪಡೆದು ಸದ್ಬಕ್ತರಿಗೆ ಅನುಗ್ರಹಿಸುತ್ತಿದ್ದಾರೆ.
ಶ್ರೀ ಕ್ಷೇತ್ರವು ಆರ್ಥಿಕವಾಗಿ ಹಿಂದುಳಿದಿದ್ದರೂ ಇಲ್ಲಿ ದೇವರಿಚ್ಚೆಯಂತೆ ದಿನಂಪ್ರತಿ ಅನ್ನಸಂತರ್ಪಣೆ ನಡೆಯುತ್ತಿರುವುದು ವಿಶೇಷ ಇದಕ್ಕೆ ಕಾರಣ ಶ್ರೀ ದೇವರು ಒಂದು ಕೈಯಲ್ಲಿ ಅನ್ನ ಮುದ್ದೆಯನ್ನು ಹಿಡಿದು ನೆಲೆ ನಿಂತಿರುವುದು. ತುಳುನಾಡಿನ ಪುಣ್ಯ ಮಣ್ಣಿನ ಈ ಕ್ಷೇತ್ರದಲ್ಲಿ ನೆಲೆನಿಂತ ದೇವರು ಒಂದು ಕೈಯಲ್ಲಿ ಅನ್ನ ಮುದ್ದೆಯನ್ನು ಹಿಡಿದು ನಿಂತಿರುವುದು ವಿಶೇಷ .ಇದನ್ನು ಮನಗಂಡ ಸದ್ಭಕ್ತರು ಶ್ರೀ ಕ್ಷೇತ್ರದಲ್ಲಿ ಸ್ವಯಂ ಸ್ಪೂರ್ತಿಯಿಂದ ಅಮೃತ ಪಡಿ ಸೇವೆಗೆ ಕಾರಣೀಕರ್ತರಾಗಿ ಶ್ರೀ ದೇವರ ನೈವೇದ್ಯಕ್ಕಾಗಿ ಸರತಿಯಂತೆ ಅಕ್ಕಿಯನ್ನು ನೀಡುತ್ತಿರುವುದು ಈ ಕ್ಷೇತ್ರದ ಕಾರಣೀಕತೆಗೊಂದು ಸಾಕ್ಷಿ .ತ್ರಿಕಾಲ ಪೂಜೆಗೆ ಇಲ್ಲಿ ಯಾವುದೇ ಆರ್ಥಿಕ ಭಾದಕ ಬಾರದಂತೆ ಶ್ರೀ ಕ್ಷೇತ್ರದ ಭಕ್ತಾದಿಗಳು ಇಲ್ಲಿ ಶಾಶ್ವತ ಪೂಜೆಯ ಸೇವೆ ನೀಡುತ್ತಿದ್ದು ಇದು ಶ್ರೀ ದೇವರ ಪ್ರೇರಣೆಗೊಂದು ಸಾಕ್ಷಿಯನ್ನಬಹುದು .ಅಮೃತ ಪಡಿ ಸೇವೆ ಹಾಗೂ ಶಾಶ್ವತ ಪೂಜೆ ನೀಡುತ್ತಿರುವುದರಿಂದ ಶ್ರೀ ದೇವರು ತಮಗೆ ಆಯುರಾರೋಗ್ಯ ಸಕಲಭಾಗ್ಯವನ್ನು ಕರುಣಿಸಿದ್ದಾರೆ ಎಂಬುದು ಸದ್ಭಕ್ತರಿಂದ ಪ್ರತಿನಿತ್ಯ ಕೇಳಿ ಬರುತ್ತಿರುವ ಮಾತಾಗಿದೆ.
ಶ್ರೀ ಕ್ಷೇತ್ರ ಇರ್ವತ್ತೂರು ಎಳ್ಳಾರೆ ಶ್ರೀ ಲಕ್ಷ್ಮೀ ಜನಾರ್ದನ ದೇವಸ್ಥಾನವು ಸುಮಾರು 1400 ವರ್ಷಗಳ ಹಿಂದೆ ಅಲೂಪ ಅರಸರ ಆಳ್ವಿಕೆಯಲ್ಲಿ ನಿರ್ಮಾಣವಾದ ಬಗ್ಗೆ ದೇವಸ್ಥಾನದ ಪ್ರಾಂಗಣ ಹಾಗೂ ಸುತ್ತ ಮುತ್ತಲಿರುವ ಶಿಲಾಶಾಸನಗಳಲ್ಲಿ ಉಲ್ಲೇಖವಿದೆ .ತದನಂತರದಲ್ಲಿ ಕ್ರಿ ಶ 1413 ರಲ್ಲಿ ವಿಜಯನಗರ ಸಾಮ್ರಾಜ್ಯದ ಅಧೀನತೆಗೊಳಪಟ್ಟ ಬಾರ್ಕೂರು ಸಾಮಂತರ ಕಾಲದಲ್ಲಿ ಈ ದೇವಸ್ಥಾನವು ಪುನರ್ ನವೀಕರಣಗೊಂಡಿತ್ತು ಎಂಬುದು ಶಾಸನಗಳಲ್ಲಿ ಉಲ್ಲೇಖಿಸಲ್ಪಟ್ಟಿದೆ. ಕ್ರಿ ಶ 1448 ಡಿಸೆಂಬರ್ ತಿಂಗಳಲ್ಲಿ ಘಟಿಸಿದ ಅಮಾವಾಸ್ಯೆ ಹಾಗೂ ಸೂರ್ಯ ಗ್ರಹಣ ಪರ್ವ ಕಾಲದಲ್ಲಿ ಬಾರುಕೂರ ರಾಜ್ಯಪಾಲ ಬಾನಪ್ಪ ಒಡೆಯನು ವಿಜಯನಗರ ಚಕ್ರವರ್ತಿ ಮಲ್ಲಿಕಾರ್ಜುನ ರಾಯನ ಹೆಸರಿನಲ್ಲಿ ಈ ದೇವಸ್ಥಾನದ ನಿತ್ಯ ಪೂಜೆ ಪರ್ವ ಕಾಲದ ಪೂಜೆ ಕಾಲಾಧಿಭೋಗ ಪೂಜಾ ಕಾರ್ಯಗಳನ್ನು ವಿಧಿವತ್ತಾಗಿ ತಪ್ಪದೇ ನಡೆಸುವುದಕ್ಕಾಗಿ ಎಳ್ಳಾರೆ ಗ್ರಾಮವನ್ನು ಹಾಗೂ ಗ್ರಾಮದ ಉತ್ಪತ್ತಿಯನ್ನು ದಾನವಾಗಿ ನೀಡಿ ಸ್ವತಃ ರಾಜ್ಯಪಾಲ ಬಾನಪ್ಪ ಒಡೆಯನು ಇರ್ವತ್ತೂರು ಎಳ್ಳಾರೆ ಈ ದೇವಾಲಯಕ್ಕೆ ಭೇಟಿಕೊಟ್ಟು ಕ್ರಿ ಶ 1449 ಫೆಬ್ರವರಿ 25 ರಂದು ಈ ದಾನ ಸಂಬಂಧ ಅಂಕಿತ ನೀಡಲಾಯಿತೆಂದು ಶಿಲಾಶಾಸನದಿಂದ ತಿಳಿದು ಬರುತ್ತಿದೆ .
ಶಾಸನದ ಪ್ರಕಾರ ಶ್ರೀ ಕ್ಷೇತ್ರ ಇರ್ವತ್ತೂರು ಸುಮಾರು ಇಪ್ಪತ್ತು ಊರುಗಳಿಗೆ ಸಂಬಂಧಪಟ್ಟಿದಾಗಿದ್ದು ಕ್ರಿ ಶ 1413 ರ ಜನವರಿಯಲ್ಲಿ ರಚಿಸಲ್ಪಟ್ಟಿರುವ ಶೀಲಾ ಶಾಸನದಲ್ಲಿ ಈ ಕ್ಷೇತ್ರಕ್ಕೆ ಇರ್ವತ್ತೂರು ನಾಡು ಎಂದು ಹೆಸರಿಸಲಾಗಿದೆ.