ಶ್ರೀ ಮಹಿಷಮರ್ದಿನೀ ದೇವಸ್ಥಾನವು ಉಡುಪಿ ಜಿಲ್ಲೆಯ ಹೃದಯ ಭಾಗದಲ್ಲಿ ಇದ್ದು, ಬಸ್ ಸ್ಯಾಂಡ್ ನಿಂದ ಕೇವಲ1.5 ಕಿಲೋ ಮಿಟರ್ ದೂರ, ಇಂದ್ರಾಳಿ ರೈಲ್ವೆ ನಿದ್ಲಾಣದಿಂದ 2 ಕಿಲೋ ಮೀಟರ್ ದೂರ ವಿರುತ್ತದೆ. ಶ್ರೀದೇವಸ್ಥಾನವು ಅಂದಾಜು 1200 ವರ್ಷ ಪುರಾತನವಾಗಿರುತ್ತದೆ. ಶ್ರೀ ದೇವಿಯ ವಿಗ್ರಹವು ಕಪ್ಪುಶಿಲೆಯಿಂದ ರಚನೆಯಾಗಿರುತ್ತದೆ. ಮೂರ್ತಿಯು ನಾಲ್ಕು ಕೈಗಳಿಂದ ಶೋಭಿತೆಯಾಗಿ ಎಡಬಲ ಹಸ್ತಗಳಲ್ಲಿ ಶಂಖ,ಚಕ್ರಗಳನ್ನು ಧರಿಸಿ, ಮತ್ತೆರಡು ಹಸ್ತಗಳಲ್ಲಿ ತ್ರಿಶೂಲವನ್ನು, ಮಹಿಷನ ಬಾಲವನ್ನು ( ಇಲ್ಲಿ ಮಹಿಷಾಸುರನು ಎತ್ತಿನ ರೂಪದಲ್ಲಿ ಇರುತ್ತಾನೆ) ಹಿಡಿದು ಪ್ರಸನ್ನ ವದನೆಯಾದ ಶ್ರೀ ದೇವಿಯ ವಿಗ್ರಹವು ಬಹಳ ಆಕರ್ಷಕವಾಗಿರುತ್ತದೆ.