ರೂಪ್ಯ ಪೀಠಂ ಕುಮಾರಾದ್ರಿಃ ಕುಂಭಾಸೀ ಚ ಧ್ವಜೇಶ್ವರಃ ಕ್ರೋಢ ಗೋಕರ್ಣ ಮೂಕಾಂಬಾ ಸಪ್ತೈತಾ ಮೋಕ್ಷದಾಯಿಕಾಃ ದೇವ ಭಕ್ತರೇ, ಪುರಾಣ ಪ್ರಸಿದ್ಧ ಸಪ್ತ ಕ್ಷೇತ್ರಗಳಲ್ಲಿ ಒಂದಾದ ಕುಂಭಾಸಿ ಮುಕ್ತಿಪ್ರದ ಕ್ಷೇತ್ರ. ಶ್ರೀ ಪರಶುರಾಮ ದೇವರಿಂದ ಚಿನ್ನದ ಗುಹೆಗಳಲ್ಲಿ ಪೂಜಿಸಲ್ಪಟ್ಟ ಹರಿಹರರಿಂದ ಇದು ಕೃತ ಯುಗದಲ್ಲಿ ಹರಿಹರ ಕ್ಷೇತ್ರವಾಯಿತು. ತ್ರೇತಾಯುಗದಲ್ಲಿ ಹನುಮಂತ ಸಂಜೀವಿನಿ ಪರ್ವತವನ್ನು ವಯ್ಯುವಾಗ ಅದರ ತುಂಡೊಂದು ಬಿದ್ದು ದೇವಸ್ಥಾನ ಮುಚ್ಚಿ ಹೋಗಿ ಮಧುವನ ಎಂದು ಪ್ರಸಿದ್ಧವಾಯಿತು. ಮಧು ಎಂಬ ಹೆಸರುಳ್ಳ ವಸಂತನ ತಪಸ್ಸಿಗೆ ಒಲಿದು ಬಂದ ಹರಿ, ಸೂರ್ಯ, ಚಂದ್ರರು ಇಲ್ಲಿ ಉಗ್ರವಾದ ತಪಸ್ಸನ್ನು ಆಚರಿಸಿದರು. ಇವರ ತಪಸ್ಸಿಗೆ ಮೆಚ್ಚಿದ ರುದ್ರ ದೇವರು ಪ್ರತ್ಯಕ್ಷರಾಗಿ ಇಲ್ಲಿರುವ ಪುಷ್ಕರಣಿಗಳಿಗೆ ಸೂರ್ಯ ಪುಷ್ಕರಣಿ ಹಾಗೂ ಚಂದ್ರ...