ಮಂಡ್ಯ ತಾಲ್ಲೂಕಿನ ಗುತ್ತಲು ಗ್ರಾಮದಲ್ಲಿರುವ ಶ್ರೀಅರ್ಕೇಶ್ವರಸ್ವಾಮಿ ದೇವಾಲಯವು ಸರಿ ಸುಮಾರು 12ನೇ ಶತಮಾದಲ್ಲಿ ಚೋಳರ ಆಡಳಿತದ ಸಮಯದಲ್ಲಿ ನಿರ್ಮಿಸಲ್ಪಟ್ಟಿತ್ತು. ಮೊದಲಿಗೆ ಈ ಸ್ಥಳ ಗೋಮಾಳವಾಗಿತ್ತು ಇಲ್ಲಿ ಪ್ರತಿನಿತ್ಯ ನೂರಾರು ಹಸುಗಳು ಬಂದು ಮೇಯುತ್ತಿದ್ದವು ಮತ್ತು ಹಚ್ಚ ಹಸಿರಿನ ಮೇವಿಗಾಗಿ ಅರಸುತ್ತಾ ಬರುತ್ತಿದ್ದವು ಈ ಎಲ್ಲಾ ಹಸುಗಳು ಗುತ್ತಲಿನ ಪಕ್ಕದ ಸುಮಾರು 1.5ಕಿ.ಮೀ ದೂರದಲ್ಲಿರುವ ಚನ್ನಪ್ಪನದೊಡ್ಡಿ ಎಂಬ ಗ್ರಾಮದ ಮುಖ್ಯಸ್ಥರಿಗೆ ಸೇರಿದ್ದಾಗಿದ್ದವು ಈ ಎಲ್ಲಾ ಹಸುಗಳನ್ನು ಆ ಮನೆಯ ಒಬ್ಬ ಸೇವಕ ಮೇಯಲು ಈ ಗೋಮಾಳಕ್ಕೆ ಕರೆದೂಯ್ಯುತ್ತಿದ್ದ. ಇದರಲ್ಲಿ ಒಂದು ಹಸು ಗುತ್ತಿಗಿಡಗಳು ವಿಷಾಂಪರಂಜಿಗಿಡ ಆವರಿಕೆಗಿಡ ಮತ್ತು ಮೃತಿಕೆ ಗಿಡಗಳ ಸುತ್ತಮುತ್ತವೇ ಮಾತ್ರ ಹಾಲನ್ನು ನೀಡುತ್ತಿತ್ತು ನಂತರ ಮನೆಯಲ್ಲಿ ಹಾಲನ್ನು ಕರೆಯುವಾಗ ಹಾಲಿನ ಬದಲಾಗಿ ರಕ್ತವನ್ನು ನೀಡುತ್ತಿತ್ತು ಇದನ್ನು ಗಮನಿಸಿದ ಆ ಸೇವಕ ಮನೆಯ ಯಜಮಾನನಿಗೆ ತಿಳಿಸಿದ. ನಂತರ...