ಈ ದೇವಾಲಯವು ಸುಮಾರು 1200 ವರ್ಷಗಳ ಭವ್ಯ ಇತಿಹಾಸವಿರುವ ದೇವಸ್ಥಾನವಾಗಿದ್ದು ಇತಿಹಾಸ ಪ್ರಸಿದ್ಧವಾಗಿರುತ್ತದೆ. ಇಡೀ ದೇಶದಲ್ಲಿ ಕೆಲವೇ ದೇವಸ್ಥಾನಗಳಲ್ಲಿ ಒಂದಾಗಿರುತ್ತದೆ. ಕಾಡು ಪ್ರದೇಶದಲ್ಲಿ ತಪಸ್ವಿಗಳು ಪರಬ್ರಹ್ಮನನ್ನು ಬೆಳಕಿನ ಗೋಲದ ರೂಪದಲ್ಲಿ ದರ್ಶನ ಪಡೆದು, ನಿರಾಕಾರ ರೂಪದಲ್ಲಿ ಆರಾಧಿಸುತ್ತ ಬಂದಿದ್ದು ಈ ಪ್ರದೇಶದಲ್ಲಿ ದೇವಾಲಯ ನಿರ್ಮಾಣ ಮಾಡಿದರು. ಕಾಲಾಂತರದಲ್ಲಿ ಈ ದೇವಾಲಯವು ಶಿಥಿಲಗೊಂಡಿತು. ನಂತರ ಬಜಾಲ ಬೂಡಿನ ಜೈನ ವಂಶದ ಪಾಳೆಗಾರ್ತಿ ಶಿಥಿಲಗೊಂಡಿದ್ದ ಈ ದೇವಾಲಯವನ್ನು ಜೀರ್ಣೋದ್ಧಾರಗೊಳಿಸಿ ದೈನಂದಿನ ಪೂಜಾ ವಿನಿಯೋಗಾಧಿಗಳಿಗೆ ವ್ಯವಸ್ಥೆ ಮಾಡಿರುವುದು ಐತಿಹ್ಯ. ಈ ದೇವಾಲಯವು ಬಜಾಲ ಬೂಡು, ಜಪ್ಪುಗುಡ್ಡೆಗುತ್ತು, ಬಡ್ಲಗುತ್ತು ಎಂಬ ಮೂರು ರಕ್ಷಕ ಮನೆತನ ಹಾಗೂ ಸುತ್ತಲಿನ ಏಳು ಗ್ರಾಮಗಳಾದ ಮರೋಳಿ, ಕಂಕನಾಡಿ, ಬಜಾಲ್, ಅಳಪೆ, ಕಣ್ಣೂರು, ಪದವು, ಜಪ್ಪು ಗ್ರಾಮಗಳ ಗ್ರಾಮದೇವರಾಗಿರುತ್ತದೆ. ಶ್ರೀ ಸೂರ್ಯನಾರಾಯಣ ದೇವಾಲಯವು ಮೂರು ಕಡೆಯಲ್ಲಿ...