ಶ್ರೀ ದುರ್ಗಂಬಾ ದೇವಿ ದೇವಾಲಯ, ಅಂತರಘಟ್ಟ, ಈ ದೇವಾಲಯವು ಸುಮಾರು 300 ವರ್ಷಗಳ ಹಿಂದಿನ ದೇವಾಲಯವೆಂದು ಅರ್ಚಕರು ಮತ್ತು ಗ್ರಾಮದ ಹಿರಿಯ ವ್ಯಕ್ತಿಗಳಿಂದ ತಿಳಿದು ಬರುತ್ತದೆ. ಈ ದೇವಿಯನ್ನು ದೊಡ್ಡಮ್ಮ, ಕರಿಯಮ್ಮ ಎಂಬ ಹೆಸರಿನಿಂದಲ್ಲೂ ಸಹ ಕರೆದು, ಅರಾಧಿಸುತ್ತಾರೆ. ಈ ದೇವಾಲಯವು ಅಂತರಘಟ್ಟ ಗ್ರಾಮದ ಮಧ್ಯ ಭಾಗದಲ್ಲಿ ಇದೆ. ಈ ದೇವಿಯು ಬೇಗೂರಿನಿಂದ ಬಂದು ನೆಲೆಸಿದಳು ಎಂಬ ನಂಬಿಕೆ ಇದೆ. ಈ ದೇವಿಯು ಬೇಗೂರಿನಿಂದ ಬಂದಾಗ ಬಾಯಾರಿ ದಣಿದಾಗ ಬಂಡೆಯ ಮೇಲೆ ಕಾಲಿಟ್ಟಿರುವ ಹೆಜ್ಜೆಯ ಗುರುತಿದೆ. ಈ ಬಂಡೆಯನ್ನು ಗುದ್ದಿ ನೀರು ಕುಡಿದು ದಾಹ ತೀರಿಸಿಕೊಂಡಳೆಂದು ಭಕ್ತರ ನಂಬಿಕೆಯಾಗಿದೆ. ಇದನ್ನೆ ನರಿಗೇ ಕಲ್ಲು ಎಂದು ಸಹ ಕರೆಯುತ್ತಾರೆ. ಈ ಕೂಳದಲ್ಲಿ ಜಾತ್ರೆಯಲ್ಲಿ ದೇವರನ್ನು ಕರೆತಂದು ಗಂಗಾ ಪೂಜೆ ಮಾಡುತ್ತಾರೆ. ಈ...