ಬಿಳಿಗಿರಿರಂಗನಬೆಟ್ಟವನ್ನು ಬಿಳಿಗಿರಿಬೆಟ್ಟ ಬಿಳಿಕಲ್ಲುಬೆಟ್ಟ, ಶ್ವೇತಾದ್ರಿ ಬೆಟ್ಟ ಎಂದು ಹಾಗೂ ಗಂಗರ ಕಾಲದಲ್ಲಿ ಗಜಾರಣ್ಯ ಎಂದು ಕರೆಯುತ್ತಿರುವುದಾಗಿ ತಿಳಿದು ಬಂದಿರುತ್ತದೆ. ಈ ದೇವಾಲಯವು ಸುಮಾರು 5 ಸಾವಿರ ವರ್ಷ ಇತಿಹಾಸವುಳ್ಳ ಪುರಾಣ ಪ್ರಸಿದ್ದ ಯಾತ್ರಾಸ್ಥಳವಾಗಿದ್ದು, ಈ ಬೆಟ್ಟವು ಸಮುದ್ರ ಮಟ್ಟದಿಂದ 5091 ಅಡಿ ಎತ್ತರದಲ್ಲಿದ್ದು ಪರ್ವತ ಶ್ರೇಣಿಗಳಿಂದ ಕೂಡಿರುತ್ತದೆ, ಶ್ರೀ ಬಿಳಿಗಿರಿರಂಗನಾಥಸ್ವಾಮಿ/ಶ್ವೇತಾಧ್ರಿ ಶ್ರೀನಿವಾಸನ ವಿಗ್ರಹವು 5.5 ಅಡಿ ಎತ್ತರವಿದ್ದು ಶ್ರೀ ರಂಗನಾಥ ಸ್ವಾಮಿಯು ನಿಂತಿರುವ ಮೂರ್ತಿಯಾಗಿರುತ್ತದೆ, ಇದನ್ನು ವಶಿಷ್ಟ ಮಹಾಮುನಿಗಳು ಸ್ಥಾಪಿಸಿರುವುದಾಗಿ ನಂತರ ವಿಷ್ಣುವರ್ಧನರಾಜನು ದೇವಾಲಯವನ್ನು ಜೀರ್ಣೋದ್ದಾರ ಮಾಡಿರುವುದಾಗಿ ಪ್ರತಿತಿ ಇದೇ ತ್ರೇತಾಯುಗದಲ್ಲಿ ಸೀತಾನ್ವೇಷಣೆ ಕಾಲದಲ್ಲಿ ಶ್ರೀ ರಾಮ ಲಕ್ಷ್ಮಣರು ಇಲ್ಲಿಗೆ ಬಂದು ಶ್ರೀ ಶ್ವೇತಾದ್ರಿಯನ್ನು ಪೂಜಿಸಿದ್ದಾಗಿ ಶ್ವೇತಾಚಲ ಮಹಾತ್ಮೆಯ 3 ನೇ ಅಧ್ಯಾಯದಲ್ಲಿ ವರ್ಣಿಸಲ್ಪಟ್ಟಿರುತ್ತದೆ, ಸ್ವಾಮಿ ಸನ್ನಿಧಿಯ ಬಲ ಭಾಗದಲ್ಲಿ ಶ್ರೀ ಅಲುಮೇಲು...